Ako zamislim da letim...

Šta Vam je od materijala potrebno: nije potreban materijal

Šta možete raditi zajedno: Podstaknite djecu da zamišljaju: Šta bi bilo kad bi mogli da lete? Kuda bi letjeli? Koga bi voljeli da vide? Kakvo bi to putovanje bilo, koliko brzo bi letjeli?

Ako bude potrebno, dajte im par ideja. Mogu, na primjer, zamišljati kako bi to bilo kad bi odletjeli na Mjesec. Ili kako bi svoju moć letjenja mogli koristiti da učine nešto dobro, npr. da spasavaju životinje koje su se zaglavile negdje visoko u stijenama i sl.

Obavezno ih pitajte da Vam ispričaju detalje vezane za to izmaštano iskustvo. Kakav je vazduh na 5000 m, kako miriše? Kakav je osjećaj na koži? Nema pogrešnih odgovora, nebo je granica!

Da li ste znali da je sivi soko (peregrin) najbrža ptica na svijetu? Ova čudesna ptica može da dostigne brzinu do 240 milja na sat!

Što dijete uči: Maštovita djeca će uživati u maštanju o raznim posebnim moćima, kakvo je npr. letjenje. Ovom aktivnošću se pospješuju komunikacione sposobnosti djeteta, koje uči da riječima izražava svoje misli, osjećanja i fantazije.