Rekomandime për aktivitetin fizik, kohën e qëndrimit para ekranit dhe gjumin për fëmijën në vitin e parë të jetës

Jeta e shëndetshme dhe formimi i zakoneve të duhura kërkojnë një shpërndarje adekuate të aktiviteteve të përgjithshme ditore, të cilat mund të shihen si kohë e aktivitetit fizik (me intensitet të lehtë, mesatar ose të fuqishëm), gjumit dhe kohë që një fëmijë e kalon ulur (koha e kaluar ulur).

Baza e rritjes së shëndetshme, krahas ushqimit të duhur, është aktiviteti fizik dhe gjumi i mirë, së bashku me kujdesin e qëndrueshëm dhe një mjedis të sigurt mbështetës. Prandaj, është e rëndësishme të planifikoni aktivitetet e përditshme në përputhje me moshën dhe nevojat e fëmijës.

Fëmijët nën 12 muajsh:

Foshnjat duhet të jenë fizikisht aktive disa herë në ditë në mënyra të ndryshme. Ata duhet të kalojnë të paktën 30 minuta në lojë interaktive në dysheme, ndërsa më të vegjlit në pozicionin e shtrirë në bark,
Pozicioni i pushimit relativ: në karrocë fëmijësh, karrige të lartë, në mbajtëse fëmijësh ose në trupin tuaj nuk rekomandohet të zgjasë më shumë se 1 orë. Kjo kohë duhet të përdoret për stimulimin e aktiviteteve të tilla si të folurit, të kënduarit, të lexuarit para një fëmije, vizitimin e gjërave interesante së bashku.
Në këtë periudhë nuk rekomandohet ekspozimi i fëmijëve para ekranit (televizion, tablet, telefon celular).
Koha që fëmija kalon duke fjetur, ditën dhe natën, ndryshon me kalimin e kohës. Për moshën më të re nga 0 deri në 3 muajsh mund të zgjasë 14–17 orë, ndërsa në periudhën tjetër nga mosha 4 deri në 11 muajsh shkurtohet pak dhe zgjat 12–16 orë.