Bleta që gumëzhin

Materialet që ju nevojiten: Një batanije e madhe ose një sipërfaqe e butë.

Çfarë mund të bëni së bashku: Për fëmijën tuaj, çdo gjë është totalisht e re, dhe ai/ajo duhet të zhvillojë pak e nga pak shqisat e tij/saj që të mundet të njohë mjedisin e tij/saj. Me këtë lojë, fëmija juaj do të mësojë të gjejë tingujt që vijnë nga jashtë dhe do njohë kontaktin në pjesë të ndryshme të trupit të tij/saj.

Para se të filloni, duhet të përgatisni vendin ku do luani. Së pari, duhet të vendosni foshnjën të pozicionuar në shpinë, në një sipërfaqe të butë dhe t'i uleni afër në mënyrë që ai/ajo të mund t'ju dëgjojë.

Së dyti, imitoni gumëzhimën e një blete ndërsa lëviz gishtin mbi trupin e saj/tij. Duhet të siguroheni që foshnja po ju kushton vëmendje. Pasi keni simuluar gumëzhimën e një blete, prekni me gishtin tuaj fëmijën dhe thoni: "Bzzz." Përsëriteni lojën, duke simuluar uljen e bletës në pjesë të ndryshme të trupit të tij/saj.

Pastaj përsëritni lojën, por këtë herë ndiqni lëvizjen e gishtit me kokën tuaj. Në këtë mënyrë, fëmija juaj do të gjejë zërin dhe do ta lidhë atë me lëvizjen. Ju gjithashtu mund të alternoni tonin e lëvizjes për të ruajtur interesin dhe për të zhvilluar perceptimin e tingujve të ndryshëm.

Së fundmi, vendosni fëmijën tuaj në pozicion të shtrirë në bark dhe përsëritni lojën. Këtë herë fëmija nuk do të shohë sesi lëviz gishti dhe do të duhet të presë që “lëvizja” të arrijë në trupin e tij/saj.

Gjithmonë, mos harroni që të keni një gjest të qetë dhe të qeshur që transmeton një mesazh pozitiv për fëmijën tuaj. Fëmija juaj është shumë delikat, kështu që gjithmonë duhet ta prekni atë butësisht dhe zëri që bëni nuk duhet të jetë shumë i zhurmshëm. Nëse vëreni se fëmija juaj është i frikësuar, filloni ngadalë dhe qetë, dhe më pas rrisni zërin dhe ndërveprimin.

Çfarë po mëson fëmija juaj: Kjo lojë zbavitëse ndihmon fëmijën tuaj që të ketë kontroll më të mirë të kokës së tij/saj dhe qafës, si dhe të zhvillojë ndjenjën e dëgjimit duke gjetur tingujt dhe duke u njohur me trupin e tij/saj nëpërmjet ndjenjës së kontaktit. Me këto lloje aktivitetesh, fëmija juaj fillon të zhvillojë aftësitë e ndërveprimit social.