Mendimi për aspektet e sigurisë së burimeve të nxehtësisë, pajisjeve elektrike dhe instalimeve është një parakusht i rëndësishëm për parandalimin e djegieve dhe dëmtimeve tjera serioze.
Body
Bëjeni shtëpinë tuaj të sigurt
- Prizat elektrike duhet të kenë kapak të përshtatshëm sigurie për të parandaluar mundësinë që fëmijët t’i futin gishtat e tyre ose objekte të ndryshme në to (mund t'i gjeni në dyqanet e pajisjeve elektrike).
- Vendosni mburoja të posaçme mbrojtëse në burimet e hapura të nxehtësisë (ngrohëse elektrike, oxhak etj.).
- Hiqni dhe mbyllni të gjitha kimikatet (agjentët pastrues, etj.) jashtë mundësive të fëmijëve - përveçse janë toksike, ato mund të shkaktojnë djegie të rënda në lëkurë dhe në sy.
- Qibritët, shkrepëset dhe sendet e tjera për ndezjen e zjarreve duhet të mbahen në vendet ku fëmijët nuk mund t'i arrijnë.
Mbrojeni shtëpinë tuaj nga zjarri
- Instaloni dhe mbani detektorë tymi - në çdo kat dhe në të gjitha dhomat e gjumit. Testoni një herë në muaj për t’u siguruar që janë në funksion. Nëse është e mundur, përdorni bateri që janë të qëndrueshme.
- Kontrolloni rregullisht nëse janë në rregull instalimet elektrike dhe pajisjet e ngrohjes në shtëpinë tuaj.
- Izoloni secilin tel.
- Para se të largoheni nga shtëpia, sigurohuni që ta keni fikur shporetin/hekurin/pajisjet tjera elektrike.
- Mbanni perdet dhe gjësendet e tjera të djegshme larg burimeve të nxehtësisë.
- Mbani në shtëpi/banesë një fikës zjarri funksional.
- Bëni një plan evakuimi në rast zjarri dhe përfshini fëmijët në planifikim, sepse në këtë mënyrë ata/ato do të mësojnë më mirë se çfarë duhet të bëjnë. Flisni me fëmijët për rrjedhën e hapave që duhen ndërmarrë në rast zjarri.
Mësojuni fëmijëve se numri i shërbimit zjarrfikës është 193!
|
