Kafshimi, pickimi dhe tërheqja e flokëve

Kafshimi, pickimi dhe tërheqja e flokëve: pse foshnjat dhe të vegjlit e bëjnë atë

Fëmijët e vegjël mund të kafshojnë, pickojnë dhe shkulin flokët me qëllim të hulumtimit të mjedisit.

Foshnjat 6-12 muaj mund të provojnë sjellje si kafshimi, pickimi dhe tërheqja e flokëve tuaj vetëm për ta hulumtuar se çfarë ndodh. 

Foshnjat gjithashtu mund të kafshojnë kur janë duke u dalë dhëmbët sepse ndjejnë dhembje në nofullat e tyre.

Fëmijët e vegjël mund të kafshojnë, të pickojnë ose shkulin flokët sepse janë të ngazëllyer, të zemëruar, të mërzitur ose të lënduar dhe nuk kanë fjalë për t’i shprehur këto ndjenja.

Disa fëmijë të vegjël mund të kafshojnë, pickojnë ose shkulin flokët, sepse ata i kanë parë fëmijët e tjerë duke e bërë atë ose fëmijët e tjerë ua kanë bërë të njëjtën. Ata gjithashtu mund të bëjnë veprime të tilla, kur janë duke luftuar me një fëmijë tjetër.

Bebet: menaxhimi i kafshimit, pickimit dhe shkuljes së flokëve

Është mirë t’i jepni fëmijës një përgjigje të qartë verbale kur ai kafshon, kafshon ose shkul flokët. Për shembull, mund të thuash, “Jo”.

Hapi tjetër është të hiqni dorën e fëmijës suaj (ose gojën!) dhe me qetësi ta largoni ose të vendosni fëmijën poshtë. Nëse fëmija juaj përsëri godet, kafshon ose shkul flokët, përgjigjuni sipas hapave që u përshkruan më lart.

Nëse fëmijës tuaj janë duke i dalë dhëmbët, jepni atij diçka tjetër për të kafshuar, si një dhëmbëzues, një leckë të ftohtë ose një lodër të sigurt. Nëse ai është i uritur, ofroni atij ushqim.

Foshnjat do t’i përsërisin sjelljet që iu tërheq shumë vëmendje. Pra, sapo fëmija juaj të tregojë një sjellje pozitive - për shembull, duke ju dhënë një kontakt të butë - shpërblejë atë me shumë vëmendje.

Fëmijët e vegjël: menaxhimi i kafshimit, pickimit dhe shkulja e flokëve

Një përgjigje e qartë, verbale ndaj kafshimit, pickimit dhe shkuljes së flokëve është e rëndësishme. Është gjithashtu mirë t’ua bëni me fëmijëve të vegjël ta kuptojnë se si ndiheni. Për shembull, mund të thuash, “Jo. Mos kafsho. Kafshimi dhemb me nënën”.

Hapat e ardhshëm varen nga arsyet e sjelljes së fëmijës suaj.

Nuk ka fjalë për “ndjenjat e mëdha” 
Nëse mendoni se fëmija juaj kafshon, pickon dhe tërheq flokët sepse ai nuk mund të gjejë fjalë për ndjenjat e tij është me të vërtetë e rëndësishme të qëndroni të qetë. Ju gjithashtu mund ta ndihmoni fëmijën tuaj të mësojë fjalë për ndjenjat. Për shembull, ju mund të thoni diçka si, “Jo, mos më godit! Përdorni fjalët tuaja.  Ju mund të thoni, “Mami, unë jam shumë e hidhëruar!”

Kujdes 
Largimi i vëmendjes suaj nga fëmija juaj i dërgon atij/asaj një mesazh shumë të fuqishëm për mënyrën se si ndiheni. Për shembull, mund të distancoheni ose të largoheni prej saj, nëse ajo përpiqet t’ju kafshojë.

Stimulimi ose uria
Nëse fëmija juaj kafshon sepse ai/ajo mund të jetë e uritur, ju mund t’i ofroni ushqim krokant si biskota të thata ose shkopëza perimesh, një shishe lëng me kashtë ose një dhëmbëz.

Nëse fëmija juaj vazhdon të kafshojë, pickojë ose tërheq flokët, përpiquni të përgjigjeni sipas hapave të njëjta të përshkruara, sa herë që ndodh ai veprim. Kjo do të ndihmojë fëmijën tuaj t’i mësojë sjelljet e duhura. Nëse fëmija juaj është tre vjeç ose më i vjetër, mund të mendoni t’ia jepni atij/asaj një pasojë si pauzë e shkurtër.

Nëse fëmija juaj kafshon, pickon ose tërheq flokët e një fëmije tjetër

Nëse fëmija juaj e kafshon ose e lëndon një fëmijë tjetër, qëndroni të qetë dhe menjëherë kërkoni falje fëmijës dhe prindit të tij/saj. Ju gjithashtu mund të thoni “Shoku yt Samiu po qan sepse pickimi dhemb”.

Pastaj, me qetësi (nëse është e mundur!) hiqni fëmijën tuaj nga situata.

Fëmijët pak më të rritur: biseda për kafshimin, pickimin ose tërheqjen e flokëve

Kjo mund të ndihmojë për të folur për kafshimin, pickimin dhe tërheqjen e flokëve me fëmijët pak më të rritur, kur ju jeni të dy të qetë. Çelësi është që ta përdorin gjuhën që fëmija juaj mund ta kuptojë.  “Sot e ke pasur një kohë të vështirë, duke luajtur me Mrikën.  Mrika ishte e frikësuar kur u përpoqe për të kafshuar atë, kur ajo u orvat për të marrë lodër tënde. Ti mund t’i thuaje “Mrika, unë kam nevojë për këtë tani. A mund të ndajmë?”  Atëherë Mrika do të dëshirojë të luajnë me ty përsëri!” 

Pas një incidenti tronditës të kafshimit, pickimit ose tërheqjes së flokëve, ndihmoni fëmijën tuaj të ndjehet i/e qetë përsëri, duke u përfshirë me gjëra tjera, siç janë loja me rërë ose ujë, fryrja e flluskave, loja me brumë ose vizatimi në heshtje.