Koha e larjes së foshnjës
Koha e larjes së foshnjës: sa shpesh?
Për ta mbajtur fëmijën të pastër, larja 2-3 herë në javë është e mjaftueshme. Por nëse foshnjës tuaj i pëlqen me të vërtetë që të lahet, mund ta lani një herë në ditë. Larja më shumë se kaq mund të thajë lëkurën e foshnjës suaj.
Mund t'i mbani organet gjenitale të foshnjës tuaj të pastra ndërmjet larjeve duke përdorur ujë të ngrohtë dhe peceta pambuku
Mjaftojnë rreth 5-10 minuta për të larë një foshnje. Kjo është veçanërisht e rëndësishme nëse foshnja juaj ka lëkurë të thatë ose të ndjeshme.
Kur duhet të lani foshnjën tuaj
Ju mund ta lani fëmijën tuaj në çdo kohë të ditës. Është ide e mirë të zgjidhni një kohë kur jeni të relaksuar dhe nuk do të ndërpriteni. Është më mirë të shmangni larjen e foshnjës kur është i/e uritur ose menjëherë pas ushqimit.
Nëse foshnjës suaj i pëlqen të lahet dhe duket se e relakson atë, mund ta përdorni larjen si një mënyrë për ta ndihmuar në qetësimin e tij/saj në mbrëmje. Disa foshnja flenë më gjatë pas një dushi/larje në mbrëmje.
Ku duhet ta lani foshnjën tuaj
Në këtë moshë, foshnja juaj mund të jetë shumë i/e madh/e për t'u larë në koritë plastike. Kjo do të thotë se ndoshta është koha për të kaluar në vaskën e madhe. Për ta bërë më të lehtë kalimin nga korita e vogël në vaskën e madhe, ju mund të filloni ta vendosni gradualisht koritën e vogël brenda vaskës së madhe.
Pasi foshnja juaj të jetë gati për vaskën e madhe, ju mund të dëshironi të bëni një dush me të (duke e ruajtur sigurinë dhe duke pasur një person shtesë pranë për të ndihmuar).
Ju gjithashtu mund të bëni dush me foshnjën tuaj. Mbajeni fytyrën e foshnjës tuaj larg ujit që derdhet dhe sigurohuni që uji të mos jetë shumë i nxehtë.
Vaska e madhe ofron më shumë hapësirë për lojëra dhe lodra. Por foshnja juaj nuk ka nevojë për shumë lodra në banjë dhe lodrat mund të jenë shumë të thjeshta.
Përgatitja e larjes së foshnjës në mënyrë të sigurt: këshilla
Mbytja dhe djegia janë dy rreziqet kryesore gjatë kohës së larjes. Me këto këshilla të thjeshta, ju mund t'i shmangni këto rreziqe dhe ta mbani kohën e larjes argëtuese dhe të sigurt për foshnjën tuaj:
- Deaktivizojeni ose fikeni telefonin ndërsa lani foshnjën tuaj. Do të keni më pak gjasa të shpërqendroheni.
- Sigurohuni që të keni afër gjithçka që ju nevojitet – për shembull, peshqir, leckë larëse, lodra dushi, locion ose shampo, rroba të pastra dhe pelena të pastra. Në këtë mënyrë ju mund t'i mbani sytë dhe duart mbi fëmijën tuaj në çdo kohë.
- Sigurohuni që foshnja nuk mund t'i arrijë locionet e dushit, shampot dhe pajisjet elektrike.
- Kontrolloni që temperatura e ujit të jetë rreth 37-38°C përpara se të fusni foshnjën tuaj brenda.
- Vendoseni foshnjën tuaj në një zonë të sigurt si p.sh. në një krevat fëmijësh kur e nxirrni nga dushi.
- Zbrazeni banjën sapo të mbaroni. Hiqni tapën e banjës nga banja kur nuk ju duhet më.
Fëmijët mund të mbyten brenda disa sekondave në ujë shumë të cekët. Asnjëherë mos e lini fëmijën tuaj vetëm në dush, edhe nëse jeni duke përdorur ndonjë ndenjëse. Asnjëherë mos i lini fëmijët më të mëdhenj ose vëllezërit e motrat për të mbikëqyrur. Nëse nuk ju lë rehat telefoni ose ndonjë detyrë tjetër, nxirreni fëmijën tuaj nga dushi.
Koha e larjes së foshnjës: hap pas hapi
Edhe pse foshnja juaj tani është më i/e madh/e, është ende ide e mirë që sapuni, shampo dhe dushi me flluska të përdoren në minimum - ato mund të irritojnë lëkurën dhe të shkaktojnë skuqje në zonën e pelenave.
Foshnja juaj me gjasë do të përpiqet të tërhiqet ose të ngrihet në dush. Nëse nuk mund ta ndaloni këtë përpjekje, të paktën sigurohuni që ta mbani që të mos rrëshqasë. Ju mund të dëshironi të përdorni një tapetë që nuk rrëshqet, dhe të keni një sipërfaqe që nuk rrëshqet në banjën tuaj.
