Kontrolli rutinë shëndetësor: në 3 - 4 muaj

Kontrolli rutinor është një mundësi për t'i kushtuar vëmendje më të madhe rritjes, zhvillimit dhe shëndetit të fëmijës tuaj, si dhe për të administruar vaksinat e planifikuara për moshën, të gjitha me një qëllim për të mbështetur dhe avancuar shëndetin dhe zhvillimin e fëmijës tuaj. Në rast se ka ndonjë problem të zhvillimit, vizitat rutinë do të ndihmojë në identifikimin e tyre dhe ndërhyrjen në kohë.

Fëmija juaj ka përparuar shumë shpejt dhe ka arritur një gjendje në të cilën ai mund të kontrollojë lëvizjet e pjesëve të caktuara të trupit të tij, ai po mëson intensivisht për veten dhe njerëzit përreth tij. Atij sigurisht i pëlqen të luan me ju dhe duart e tij.

Përgatitja për vizitën

Shkruani gjëra të rëndësishme që keni vërejtur tek fëmija juaj në ndërkohë, siç janë: të qeshurit ose edhe të nënqeshurit kur flisni me të; duke kapur një lodër që ia keni vendosur në duar; monitorimi i lëvizjes tuaj nëpër dhomë, etj. Nëse keni pyetje ose dilemë, shtojini ato në listë.

Përmbajtja e kontrollit shëndetësor

Monitorimi i rritjes: pesha e trupit, gjatësia e trupit dhe perimetri i kokës janë parametra të rëndësishëm të rritjes së një fëmije dhe ndihmojnë në vlerësimin nëse një fëmijë ka rritje normale.
Intervistë njoftuese dhe këshillim: Të ushqyerit është ende një nga temat kryesore gjatë bisedës me një mjek ose infermier/e. Ata do t'ju pyesin se si po e ushqeni fëmijën tuaj, nëse fëmija duket i kënaqur dhe i ngopur pas vaktit. Sa shpesh zgjoheni natën? Nëse fëmija nuk ushqehet me gji, çfarë qumështi përdorni.
Ata do t'ju pyesin nëse keni vazhduar t'i jepni 400 IU të vitaminës D3. Suplement (shtesë) hekuri mund të rekomandohen gjithashtu gjatë kësaj vizite.
Stili i shëndetshëm i jetës: infermierja do të flasë me ju në lidhje me parandalimin e ekspozimit ndaj tymit të duhanit, parandalimin e ekspozimit të hershëm të mediave, mos e vendosni fëmijën tuaj në shtrat me shishe, veçanërisht shishe që përmban formulë ose pije të ëmbël, ekspozimin e sigurt në rrezet e diellit dhe si të transportoni fëmijën tuaj në mënyrë të sigurt në automjet.
Përballja familjare: Mund të diskutoni çështje të tilla si mënyra sesi të përballeni me xhelozinë e vëllait ose motrës dhe çështjet e kthimit në punë.

Ekzaminimi mjekësor dhe vlerësimi i zhvillimit

Infermierja/mjeku do të kryejë kontrollin e fëmijës sipas rregullit tashmë të krijuar.
Ata do t'i kushtojnë vëmendje nëse fëmija e kontrollon lëvizjen e kokës dhe si po e mban trupin e tij në pozicione të caktuara. Mjeku ose infermierja do të përpiqen të vlerësojnë nëse fëmija përdor të dy duart në mënyrë të barabartë dhe nëse mund të kapë ndonjë lodër; do të vëzhgojë shprehjet e fytyrës, lëvizjet e trupit, si reagon ai ndaj lëvizjes tuaj nëpër dhomë dhe ndaj tingujve të ndryshëm të papritur. Ata do t'ju pyesin nëse fëmija lëshon tinguj.
Përgatituni të merrni pjesë aktive në bisedë dhe të kërkoni sqarime për ndonjë dyshim ose përgjigje të pyetjeve që ju shqetësojnë.

Vaksinimi

Mjeku / infermierja juaj do të kontrollojë nëse fëmija juaj ka marrë vaksinat e parashikuara deri më tani, sipas orarit të rregullt të vaksinimit.
Ata do t'ju pyesin se si reagoi fëmiu ndaj vaksinës së fundit.
Nëse gjendja shëndetësore e fëmijës është normale, dhe ai/ajo reagoi ndaj dozës së fundit të vaksinës në mënyrën e pritur, ai/ajo do të marrë dy vaksina edhe këtë herë. Ai/ajo do të marrë një dozë tjetër të vaksinës së kombinuar kundër difterisë, tetanozit, kollës së mirë, hepatitit B dhe Haemofilus influenza b në njërën anë si dhe vaksinën kundër poliomielitit anën tjetër.
Ju do të këshilloheni që në rast se ka skuqje në vendin e injektimit, vendosni peceta të lagura me ujë të thjeshtë për të lehtësuar reaksionin lokal.

Sugjerimi final

Në fund të vizitës, mjeku/infermierja do të ndajë mendimin e tij / saj mbi gjendjen e shëndetit dhe zhvillimit të fëmijës suaj dhe do të japë rekomandimet përfundimtare dhe të gjitha këto do ti evidentojnë në "Fletoren për shëndetin e nënës dhe fëmijës".
Mund të merrni disa materiale me shkrim të përshtatshme për moshën e fëmijës dhe njoftimin për vizitën tjetër.

Pas vizitës

Shkruani informacione dhe rekomandime të reja që keni marrë gjatë vizitës.

Kontrollet shëndetësore rutinë janë të rëndësishme për fëmijën tuaj sepse ata marrin mbështetjen e nevojshme për rritje dhe zhvillim, por edhe për ju sepse fitoni aftësi dhe besim më të madh në përmbushjen e rolit prindëror.