Kujdesi dentar për fëmijët e vegjël
Larja e dhëmbëve të fëmijës suaj dy herë në ditë me furçë dhëmbësh dhe pastë dhëmbësh me përmbajtje të ulët fluori dhe shmangia e ushqimeve dhe pijeve të ëmbla do të parandalojë prishjen e dhëmbëve. Fëmijët kanë nevojë për ndihmë dhe mbikëqyrje në higjienën e rregullt orale dhe dentare. Çojeni fëmijën tuaj te dentisti rregullisht, një deri në dy herë në vit.
Body
Kujdesi dentar
Larja e dhëmbëve me furçë
- Fëmijët duhet të lajnë dhëmbët rregullisht, me furçë dhëmbësh dhe pastë dhëmbësh me përmbajtje të ulët fluori.
- Dhëmbët lahen dy herë në ditë, në mëngjes dhe në mbrëmje. Përdorni sasi të vogël paste dhëmbësh, me madhësi sa të bizeles.
- Në një moment, fëmija do të dëshirojë të marrë pjesë në larjen e dhëmbëve, gjë që duhet të lejohet dhe të mbështetet. Por, nuk do të jetë në gjendje t'i lajë mirë dhëmbët e pasmë dhe do të ketë akoma nevojë për ndihmën tuaj.
- Tregojini si të pastrojë hapësirat midis dhëmbëve.
- Inkurajojeni fëmijën të shpëlajë gojën me ujë pas çdo vakti, për të larguar ushqimin e mbetur.
Të ushqyerit
- Sigurohuni që fëmija të përvetësojë zakone të shëndetshme të të ushqyerit.
- Shmangni ofrimin e pijeve me sheqer dhe ushqimeve të ëmbla.
- Kur ka etje, lëreni të pijë vetëm ujë dhe kur t'i jepni lëng, le të jetë pjesë e një vakti ushqimor dhe i bërë me fruta të freskëta.
Vizita tek dentisti
- Vizitat e rregullta te dentisti do ta ndihmojnë fëmijën të mbajë dhëmbët e shëndetshëm dhe prishjet e mundshme do të riparohet në kohë.
Çojeni rregullisht fëmijën në kontrolle dentare, një deri në dy herë në vit.
