Kur një fëmijë refuzon të ushqehet me gji
Foshnja mund të refuzojë vetëm njërin ose të dy gjinjtë gjatë gjidhënies. Gjithashtu, ai/ajo mund të duket e uritur, por kur i ofrohet gjiri, ai/ajo nuk arrin ta kapë atë dhe të fillojë thithjen e tij, ose foshnja e kap gjirin dhe fillon të thithë por pas një kohe të shkurtër lëshon gjirin dhe fillon të qajë, sepse ajo nuk mund ta mbajë atë në gojën e tij/saj.
Shkaqet e refuzimit të gjirit ose vështirësia në kapje
- Foshnja ka problem me kapjen e gjirit
- Pozicioni i ushqyerjes me gji nuk është i saktë
- Foshnja preferon njërin gji
- Gjiri është i fortë ose i fryrë, i ënjtur
- Gjiri lëshon qumështin gjatë ushqyerjes me gji më ngadalë ose më shpejt se zakonisht
- Fëmija thjesht nuk është i uritur
- Foshnja është mësuar me shishen ose me biberonin
- Foshnja është e lodhur ose e shqetësuar nga stimulimi i tepërt i mjedisit, gjë që është normale për foshnjat më të rritura
- Foshnja është e ftohur
- Foshnja mund të ketë dhimbje fyti, hundë të zëna apo dhimbje veshi
- Foshnja ka dhimbje ose nuk ndihet rehat
- Qumështi juaj ka një shije ndryshe, gjë që ndodh nëse jeni duke marrë një medikament, për shkak të ndryshimeve hormonale gjatë ciklit tuaj menstrual, ose nëse keni ngrënë diçka të pazakontë.
- Ke ndryshuar parfumin ose deodorantin.
Çfarë mund të na ndihmojë:
- Kontrolloni pozicionin e foshnjës dhe si ajo i kap të dy gjinjtë
- Mbajeni foshnjën të qetë afër gjirit
- Prekni buzët e foshnjës me thithkë, derisa ajo të hapë gojën e saj sa më shumë, para se ta kapë gjirin
- Mos e detyroni foshnjën të kapë gjoksin.
- Nëse foshnja fillon të qajë ose të grindet, ndalo ushqyerjen me gji dhe provo përsëri pas 15 minutash, pasi foshnja të qetësohet
- Mos e detyroni foshnjën të kapë gjirin kur qan - ushqyerja me gji duhet të shoqërohet me një ndjenjë të të ndjerit mirë
- Kujdesuni që gjinjtë tuaj të mos tendosen e fryhen për shkak të ushqyerjes së kufizuar me gji
- Shtrydheni qumështin nga gjinjtë për të ruajtur prodhimin e qumështit në të dy gjinjtë
- Nëse është e nevojshme, shtrydhni pak qumësht para se të filloni ushqyerjen me gji, që qumështi të mos rrjedhë shumë shpejt në gojën e foshnjës
- Nëse foshnja refuzon të dy gjinjtë, ushqejeni atë me qumësht të shtrydhur me një lugë çaji, filxhan ose shiringë
- Ushqeni foshnjën me qumështin tuaj, derisa ajo të lidhë ushqyerjen me gji me një ndjenjë kënaqësie
- Shmangni përdorimin e shisheve, biberonave, ushqejeni fëmijën me një gotë nëse është e nevojshme
- Zhvishu ti dhe zhvesh foshnjën, më pas afroje tek gjiri, krijo kontakt lëkurë me lëkurë (kujdesu që dhoma jetë e ngrohtë)
- Ushqyerja me gji duhet të bëhet në një atmosferë intime, pa stimulim shtesë
- Ushqyerja me gji duhet paraprirë nga përkëdhelja e foshnjës
- Mos përdorni kremra ose deodorantë të parfumuar
Nëse nuk mund ta zgjidhësh vetë problemin e refuzimit të gjirit, konsultohu me një infermiere që të viziton në shtëpi ose kërko ndihmë në këshillimoren e qendrës shëndetësore. Nëse mendoni se foshnja juaj nuk është mirë, është e dobët ose e sëmurë, dërgojeni atë tek pediatri.
Nëse keni pyetje, dilema apo dyshime rreth ushqyerjes me gji, kontaktoni mjekun apo infermieren e këshillimores, ato do t'ju ofrojnë ndihmë dhe këshilla profesionale dhe do t'ju ndihmojnë të qetësoheni.
