Libra, media dhe reklama - Perspektiva gjinore

Shumica e përmbajtjes në librat, mediat dhe reklamat për fëmijë, duke përfshirë tekstet shkollore, përjetësojnë stereotipet dhe rolet diskriminuese gjinore. Për shembull, dëgjimi i përsëritur i tregimeve të princave që shpëtojnë princeshat, i nxit fëmijët të lidhin disa tipare me gjininë me të cilat identifikohen. Prandaj, në mënyrë të pavetëdijshme fëmijët fillojnë të thithin rolet, sjelljet dhe pritjet e imponuara të lidhura me gjininë e tyre në një moshë ku nuk janë ende në gjendje të përpunojnë informacionin në mënyrë kritike. Kjo çon në zhvillimin e paragjykimeve të nënkuptuara gjinore dhe në perjetimin e strukturës së pabarabartë të pushtetit brenda shoqërive. E njëjta çështje vërehet në media të të gjitha llojeve, duke përfshirë reklamat e synuara ndaj fëmijëve. Për më tepër, me përdorimin në rritje të mediave online nga fëmijët e vegjël, sfidat e abuzimit seksual online po rriten.

Këshilla për prindërit:

• Kërkoni në mënyrë aktive libra dhe media që janë neutrale në aspektin gjinor ose fuqizuese për të gjitha gjinitë dhe përfshirëse në përfaqësim; shmangni historitë tradicionale dhe stereotipike që përjetësojnë patriarkalitetin.
• Inkurajoni fëmijët të angazhohen me libra dhe media tradicionalisht të lidhura me gjininë e kundërt.
• Prindërit dhe kujdestarët duhet të modelojnë shprehitë pozitive dhe të shëndetshme të përdorimit të teknologjisë digjitale, ndërsa kufizojnë përdorimin e fëmijëve dhe mbeten vigjilentë ndaj shenjave të abuzimit online.
• Shkollat duhet të inkurajohen të rishikojë tekstet shkollore për të siguruar përfaqësim të barabartë gjinor dhe gjithëpërfshirës.