Lodrat e foshnjës së sapolindur: tremujori i parë

Lodra të foshnjës të sapolindur

• fytyra juaj që shfaqet çdo herë që ai/ajo është i/e mërzitur
• vendosja e tij/saj në një pikë më të lartë, vëllim të moderuar dhe me fytyrë të buzëqeshur
• prekja e grushtit të tij/saj nga gishti i vogël drejt gishtit të madh për ta stimuluar hapjen e grushtit

Kah fundi i muajit të parë, lodrat adekuate janë:

• topa, katrorë të mëdha, struktura të ndryshme për ta stimuluar ndjekjen e syve dhe hapjen e grushtit
• lodra muzikore me melodi ritmike dhe tinguj të lehtë
• në mënyrë që një fëmijë ta ndjekë një lodër me sytë e tij/saj dhe t’i hapë grushtet e tij/saj, ju duhet ta mbani atë në prehër ose në duart tuaja, sikur në një fole, sepse çdo tingull më i fortë, ndryshim i papritur i pozicionit ose shumë stimulime vizuale nga lëvizja e shpejtë e lodrës do të shkaktojë të qarë dhe ndërprerje të lojës.

Lodra për foshnje deri në 3 muaj

Periudha e muajve të dytë dhe të tretë karakterizohet nga periudha më të gjata të zgjimit. Gjithnjë e më shpesh, fëmija i vendos duart e tij/saj në gojë si dhe luan me trupin e tij/saj dhe pjesët e trupit:

• ai/ajo mund t’i gërshetojë gishtat e tij/saj, ai/ajo e kap këmishën e tij/saj 
• ai/ajo e kthen kokën e tij/saj lirisht në njërën anë dhe tjetrën
• ai/ajo gugat dhe bën tinguj të ndryshëm 
• ai/ajo i kap lodrat me duart e tij/saj, por, në të njëjtën kohë, i mbledh këmbët e tij/saj drejt barkut dhe “i kap” lodrat me këmbët e tij/saj

Vendosni lodra më të mëdha në gjoksin e fëmijës, në mënyrë që ai/ajo t’i vendosë duart e hapura mbi ta dhe t’i tërheq ato në gojën e tij/saj. Mbajeni një lodër në mënyrë që ai/ajo ta prekë atë dhe ta kap atë me këmbët e tij/saj. Vendoseni kokën në gjoksin e fëmijës në mënyrë që ai/ajo të mund t’i kap flokët tuaj, ose mjekrën e babait; kjo siguron stimulim të fortë për t’i hapur grushtet dhe për t’i kapur gjërat. 

Vendoseni fëmijën në barkun e tij/saj. Për të siguruar stabilitet, mund ta mbështillni një peshqir dhe ta vendosni nën gjoksin e fëmijës. Gjithmonë vendosni bërrylat e tij/saj para vijës së shpatullave, e cila siguron një pozicion të qëndrueshëm në bark dhe i lejon fëmijës t’i hapë lehtë duart e tij/saj për t’i ndjerë lodrat. Lëvizni lodrën ngadalë në fushën e shikimit të fëmijës. Lëvizni lodrën më afër në mënyrë që ai/ajo të mund ta ndjejë atë.

Kjo është gjithashtu koha e duhur për: rraketake, topa, katrorë me struktura të ndryshme, që lëshojnë tinguj të butë dhe të cilat fëmija mund t’i vendosë në mënyrë të sigurt në gojën e tij/saj.

Luani me fëmijën tuaj kur ai/ajo është aktiv dhe i zgjuar. Nëpërmjet lojës në këtë periudhë, ju e lehtësoni:

• stimulimin e ndjekjes së një objekti me syrin e tij/saj 
• stimulimin e hapjes së grushtit dhe fillimin e përdorimit të duarve për kapjen e objekteve
• stimulimin e zhvillimit social, emocional dhe të fjalës nëpërmjet tregimit dhe imitimit të tingujve të bëra nga fëmija 
• lojën së bashku, nëpërmjet pjesëmarrjes aktive të fëmijës dhe krijoni një bazë të mirë për mësim të mëtejshëm dhe zhvillim të trurit.