Mbroni foshnjën nga dielli

Në vitet e para të jetës, foshnjat dhe fëmijët e vegjël mund të ekspozohen në diell vetëm në kohën e rekomanduar (në mëngjes, deri në 11 am, dhe vonë pasdite, pas orës 5 pasdite), me kusht që të ndiqen masat mbrojtëse.

Meqenëse lëkura e fëmijëve është më e hollë dhe mekanizmi i saj mbrojtës është më i dobët se tek të rriturit, fëmijët skuqen shumë më shpejt. Lëkura e pambrojtur e ekspozuar ndaj rrezeve të forta të diellit mund të digjet brenda 15 minutave. Informohuni mbi indeksin UV të publikuar në media, si dhe rekomandimet e dhëna.

Foshnja deri në 6 muaj

Mos e përdor kremin kundër diellit.
Visheni me rroba të lirshme, të ajrosshme me ngjyra të ndritshme dhe vendosni në kokë kapele me rreth (të paktën 3 cm të gjerë) për t’i mbrojtur fytyrën, veshët dhe qafën.
Vendosni syze dielli mbrojtëse ndaj rrezeve ultraviolete në sytë ose ombrellën e karrocës/ombrellë për karrocë fëmijësh.

Foshnja mbi 6 muaj

Aplikoni kremin kundër diellit me faktorin më të lartë të mbrojtjes nga dielli. Aplikojeni kremin kundër diellit 20 minuta para se të dilni për shëtitje dhe riaplikojeni çdo dy orë. Mos harroni të mbuloni buzët, veshët dhe pjesën e pasme të qafës së foshnjës me krem kundër dielli.
Kur zgjidhni produkte mbrojtëse, gjithmonë duhet të zgjidhni ato që janë të destinuara për fëmijët.
Kremi kundër diellit nuk duhet përdorur nëse ka kaluar më shumë se një vit nga hapja.
Kur blini krem kundër diellit, sigurohuni që mos të përmbajë PABA, pasi shumë foshnje janë të ndjeshme ndaj këtij përbërësi.
Kur përdorni krem të ri kundër diellit, fillimisht duhet ta provoni duke e aplikuar në zonë të vogël të lëkurës së fëmijës (p.sh. në zonën e parakrahut), dhe kontrolloni nëse ka njolla, skuqje ose kruajtje në 24 orët e ardhshme. Nëse nuk ka ndryshim të lëkurës, atëherë mund ta aplikoni kremin kundër diellit te foshnja.

Nëse fëmija është duke marrë medikamente, lexoni udhëzimet e përdorimit ose pyesni pediatrin nëse fëmija mund të dalë në diell, sepse disa ilaçe mund të shkaktojnë reaksione të lëkurës të tilla si skuqja.

Ndiqni masat mbrojtëse edhe kur foshnja është në makinë, pasi rrezet UV kalojnë përmes xhamit të makinës; zgjidhja më e mirë është vendosja e mbrojtësve të diellit në xhamat e makinës.

Për të mbajtur foshnjën e hidratuar mirë gjatë ditëve të nxehta, rekomandohet ta ushqeni shpesh me qumësht gjiri, nëse foshnja nuk ushqehet me qumësht gjiri, atëherë rekomandohet t’i jepni sa më shumë ujë.