Nënë pozitive për infeksionin nga COVID-19 dhe rekomandimet për ushqyerjen me gji

Eshtë vërtetuar se ushqyerja me gji/ushqyerja me qumësht gjiri zvogëlon sëmundshmërinë dhe vdekshmërinë e të porsalindurve, foshnjave dhe fëmijëve dhe ka një ndikim të përjetshëm në imunitetin e tyre. Në epidemitë dhe të gjitha fatkeqësitë natyrore, është burimi më i rëndësishëm natyror për ushqimin e të porsalindurve dhe foshnjave. 

Rekomandohet që një nënë pozitive për COVID-19 me shenja klinike të lehta apo të mesme të vazhdojë kujdesin dhe ushqyerjen me gji të fëmijës, duke ndjekur masa të veçanta higjienike si më poshtë:

• Ajroseni dhomën për 10 minuta çdo 2 orë.
• Pastroni dhe dezinfektoni rregullisht sipërfaqet që ajo prek.
• Një maskë e pastër duhet të vendoset mbi hundë dhe gojë gjatë kujdesit dhe ushqyerjes me gji të fëmijës. Maska duhet të ndryshohet çdo 2 orë dhe sapo ajo të laget. Kur hiqni maskën, pjesa që ishte ngjitur me fytyrën nuk duhet të preket. Maska e përdorur duhet të hidhet dhe nuk duhet të ripërdoret. Duart duhet të lahen pasi të keni vënë maskën.
• Duart duhet të lahen me ujë dhe sapun për 20 sekonda para çdo kontakti me fëmijën. 
• Nuk është e nevojshme të lani gjinjtë para dhe pas ushqyerjes me gji. Mjafton të ruani higjenën e trupit duke bërë dush rregullisht dhe duke ndryshuar shpesh këmishën e natës. Nëse gjinjtë janë të ekspozuar ndaj sekrecioneve gjatë kollitjes, ato duhet të lahen me sapun dhe ujë.
• Nëse nëna e infektuar është pa shenja të frymëmarrjes dhe foshnja është në të njëjtën dhomë, krevati duhet të jetë 2 m larg shtratit të saj dhe një ndarëse (p.sh carcaf) duhet të vendoset në mes.
• Nëse nëna kollitet ose teshtin, preferohet që ajo të mos jetë në të njëjtën dhomë me fëmijën. Kur hyn në dhomën e gruas pas lindjes, kujdestari i fëmijës duhet të mbajë një maskë mbrojtëse.
• Nëna e infektuar duhet të kollitet ose teshtijë në një letër, e cila menjëherë do të hidhet në një kosh me kapak. Pas kësaj, kërkohet larja e duarve me ujë dhe sapun për 20 sekonda.

Nëse nëna nuk ndihet aq mirë sa ta ushqejë fëmijën me gji (ndjehet e dobët, probleme të lehta të frymëmarrjes, temperaturë deri në 38.5 ° C), asaj duhet t’i ofrohet ndihmë në shtrydhjen e gjirit, në mënyrë që i porsalinduri të ushqehet me qumështin e saj. Pasi gjendja e saj klinike të jetë përmirësuar, ajo mund të vazhdojë ushqyerjen me gji. Shtrydhja e gjirit gjithashtu kërkon që nëna t'i përmbahet masave të veçanta të higjienës. 

• Një maskë e pastër duhet të vihet mbi hundë dhe gojë.
• Duart duhet të lahen me ujë dhe sapun për 20 sekonda para çdo seance të shtrydhjes së gjirit. 
• Shtrydhja e gjirit me një pompë të larë dhe të sterilizuar preferohet më shumë sesa shtrydhja me dorë, pasi qumështi ka më pak të ngjarë që të kontaminohet.

Nëse gjendja klinike e nënës është e dobët, detyrat e kujdesit duhet të merren nga një familjar i shëndetshëm i familjes dhe i porsalinduri të ushqehet me formulë. Nëse nëna dëshiron ta ushqejë me gji pas shërimit, ajo duhet të ndihmohet që në lindje.