Prerja e thonjve të foshnjës

Rreth thonjve të foshnjës tuaj

Nuk keni nevojë t'i presësh thonjtë e foshnjës shumë shpesh.

Tek të porsalindurit, thonjtë janë të butë dhe hahen vetë nga kontakti me rrobat. Tek foshnjat më të mëdha thonjtë hahen gjatë lojës dhe ndërveprimit me gjërat që e rrethojnë.

Thonjtë shumë të gjatë dhe të mprehtë mund të shkaktojnë gërvishtje në trup duke përfshirë sytë. Thonjtë e foshnjës rriten mjaft shpejt por mund t'i shkurtoni thonjtë e duarve dhe të këmbëve sipas nevojës. Mund të përdorni gërshërë ose prerëse të thonjve të posaçme për foshnje. Gjithashtu mund të shkurtoni thonjtë me anë të shkopit gërvishtës. Kjo nënkupton vetëm gërvishtjen e thonjve në mënyrë që të jenë të lëmuar.

Si t'i prisni thonjtë foshnjës tuaj?

Mundohuni t'i prisni thonjtë foshnjës kur ai/ajo është në gjumë, shumë i/e qetë ose i/e përgjumur. 

Këto këshilla për prerjen e thonjve mund t'i bëjnë gjërat më të lehta:

• Sigurohuni të keni dritë me bollëk në mënyrë që të shihni mirë.
• Bashkëpunoni me dikë tjetër nëse ju ndihmon - njëri e mban foshnjën, tjetri i prenë thonjtë.
• Tërhiqeni butësisht thuan e prerë nga thua për të mos çarë lëkurën.
• Pritni thonjtë e këmbëve drejtë për ta shmangur futjen e thonjve në mish.

Më poshtë ja disa këshilla për ta mbajtur fëmijën tuaj të lumtur ndërsa prisni thonjtë:

• Flisni me qetësi ose këndojini foshnjës.
• Përpiquni ta shpërqendroni fëmijën tuaj me ndonjë lodër ose aktivitet. Kjo shpesh funksionon mirë me foshnjat më të mëdha.
• Lavdëroni foshnjën tuaj që ju ka ndihmuar ta përfundoni punën. Kjo mund t'ju ndihmojë të dyve të ndiheni mirë për ta përfunduar punën.

Nëse aksidentalisht i çani lëkurën foshnjës dhe fillon të rrjedh gjak, shtypni butësisht me një leckë të butë mbi plagën deri sa të ndalojë gjakderdhja. Mos e vendosni në rroba sepse foshnja mund ta thithë atë.

Nëse jeni të shqetësuar për çarjen, atëherë dërgojeni foshnjën në vizitë tek mjeku.

Foshnjat e vogla kanë tendencë ta gërvishtin veten aksidentalisht sepse nuk kanë shumë kontroll mbi duar dhe këmbë. Gjithashtu kanë dëshirë ta eksplorojnë fytyrën e tyre me duar, gjë që mundëson gërvishtjen e syrit. Ju mund t'i ndaloni foshnjat që ta gërvishtin veten nëse i mbuloni duart e tyre me doreza të vogla pambuku ose çorape. Mirëpo sigurohuni që fëmija juaj të ketë edhe kohë kur qëndron pa doreza në mënyrë që të eksplorojë dhe të luaj me duar.

Shenjat e syve të gërvishtur përfshijnë:

• Syri i kuq - "të bardhët" e syrit do të jenë shumë të lënduar dhe të kuq
• Lot të tepërt
• Fëmija juaj është befas i/e shqetësuar
• Shenja gërvishtjeje rreth syrit
• Simptoma vetëm në një sy.

Nëse dyshoni se foshnja juaj ka gërvishtje në sy, vizitoni mjekun tuaj, i cili do të vendosë nëse do të vendosë krem lokal në sy. Por mos u brengosni! Shumica e gërvishtjeve të syve nuk janë shumë serioze dhe do të shërohen në mënyrë të përsosur me trajtimin e duhur.

Problemet me thonjtë e foshnjës

Është mjaft e zakonshme që foshnjat e vogla të marrin një infeksion të vogël (të quajtur paronychia) rreth thoit të gishtit të dorës ose këmbës. Por mund t'ju duhet të vendosni një sasi të vogël kremi ose lëngu antiseptik në thua.

Ndonjëherë ky infeksion mund të përhapet më tej në lëkurën e gishtit të dorës ose të këmbës, duke bërë që zona të bëhet e fryrë dhe e kuqe.

Nëse e vëreni këtë, vizitoni mjekun tuaj. Foshnja juaj mund të ketë nevojë për antibiotik për të ndihmuar në pastrimin e infeksionit. Nëse vendosni krem për të trajtuar infeksionin, sigurohuni që më pas t'i vendosni doreza ose çorape fëmijës suaj. Kjo do të thotë se foshnja nuk mund t'i fusë duart ose këmbët drejtpërdrejt në gojë.