Rekomandime të përgjithshme për foshnjat mbipeshë dhe obeze

Një fëmijë mund të bëhet mbipeshë si rezultat i ngrënies së tepërt dhe/ose aktivitetit fizik të pamjaftueshëm. Ndryshimet në mjedisin dhe mënyrën e kujdesit të fëmijës, si dhe çrregullimet e mundshme gjenetike, mund të kontribuojnë në këtë. Pesha e tepërt trupore mund të çojë në probleme të shumta shëndetësore në fëmijëri, por edhe më vonë në jetë: deformime të kockave dhe nyjave, sëmundje të zemrës dhe enëve të gjakut, diabet, probleme mendore: depresion dhe vetëvlerësim të ulët.

Një fëmijë mund të bëhet mbipeshë si rezultat i ngrënies së tepërt dhe/ose aktivitetit fizik të pamjaftueshëm. Ndryshimet në mjedisin dhe mënyrën e kujdesit të fëmijës, si dhe çrregullimet e mundshme gjenetike, mund të kontribuojnë në këtë. Pesha e tepërt trupore mund të çojë në probleme të shumta shëndetësore në fëmijëri, por edhe më vonë në jetë: deformime të kockave dhe nyjave, sëmundje të zemrës dhe enëve të gjakut, diabet, probleme mendore: depresion dhe vetëvlerësim të ulët.

Nëse e shihni që fëmija juaj ka filluar të shtojë peshë të tepërt, dërgojeni tek mjeku/pediatri për kontroll, mbase për një ekzaminim më të hollësishëm. Janë disa masa që mund t’i merrni vetë.

Rekomandime për foshnjat

Ushqimi më i mirë për një foshnjë është qumështi i gjirit, i cili përmban të gjitha lëndët ushqyese të nevojshme në një raport të ekuilibruar. Prandaj, rekomandohet si ushqim i vetëm në 6 muajt e parë dhe më pas edhe futja e ushqimeve joqumështore. 

Rekomandime për fëmijë më të rritur se 6 muajsh

Nëse fëmija juaj është 6 muaj ose më i madh është mirë të sigurohet se ai\ajo ka vakte të tjera në sasi dhe frekuencë që është në përputhje me rekomandimet e vlefshme për një ushqyerje optimale. Nëse nuk është kështu, atëherë duhet të bëhen rregullime në përputhje me preferencat e tij/saj. Ndiqni rekomandimin për të mos e ëmbëlsuar ushqimin që ia jepni fëmijës dhe kufizoni sasinë ditore të lëngut natyral të frutave që ia jepni fëmijës më të rritur se 6 muajsh në 90 ml, maksimumi 120 ml. Mos shtoni kripë në ushqimin që ia jepni fëmijës suaj.

Kushtoni vëmendje mënyrës se si e ushqeni fëmijën tuaj. Mos e detyroni të hajë të gjithë ushqimin që keni përgatitur, por respektoni ndjenjën e tij/saj të ngopjes. Inkurajojeni të hajë vetë, me dorën e vet, sepse atëherë ai\ajo e di më mirë kur është ngopur. Inkurajoni lëvizjen dhe aktivitetin fizik të fëmijës suaj dhe krijoni kushte për të paktën 30 minuta lojë ndërvepruese, në pozita të ndryshme në dysheme. Sigurohuni që të bëjë gjumë të mirë prej 12 deri në 17 orë, varësisht nga mosha dhe nevojat e tij/saj. Zbatimi i rekomandimeve për ushqimin e duhur dhe aktivitetin fizik të fëmijës që në moshën e tij/saj më të hershme rrit shanset e tij/saj për një jetë të shëndetshme dhe të suksesshme.