Çfarë mund të bëni nëse e vëreni abuzimin dhe/ose neglizhimin e fëmijëve në mjedisin tuaj?

Nëse e vëreni ndonjë nga shenjat e mëposhtme te fëmijët në mjedisin tuaj, mund të dyshoni se është rasti i abuzimit dhe neglizhimit. 

• Mosbesimi i fëmijës ose kujdesi ekstrem ndaj të gjithë të rriturve; 
• Sjellja jashtëzakonisht agresive, submisive, e brengosur ose e shqetësuar e fëmijës; 
• Vetëbesim i ulët, tërheqje ose vështirësi në vendosjen e marrëdhënieve me të rriturit ose fëmijët e tjerë; 
• Bindja e tepërt dhe përulësia për t’i kënaqur të rriturit; 
• Vështirësi përqendrimi; 
• Shkundje e tepërt, murmuritje, thithje ose gërvishtje; 
• Ankthe të shpeshta ose vështirësi në gjumë; 
• Ju duket se fëmija është i prirur ndaj aksidenteve ose ka plagë ose lëndime të pashpjegueshme në faza të ndryshme të shërimit; 
• Shpjegime të paqarta për lëndimet që nuk përputhen me llojin e lëndimit; 
• Fëmija nuk dëshiron të shkojë në shtëpi nëse ai/ajo është diku tjetër (ose në ndonjë vend tjetër); 
• Përdorimi i papërshtatshëm i termave ose sjelljeve seksuale që ndërlidhet me moshën dhe zhvillimin e fëmijës. 

Çfarë mund të bëni nëse dyshoni se një fëmijë nga mjedisi juaj është abuzuar ose lënë pas dore: 

• Bëhuni të ndjeshëm ndaj shenjave paralajmëruese të abuzimit ose neglizhimit të mundshëm;
• Ofroni fëmijës të flasë me ju në çdo kohë; 
• Bëni biseda të qeta pa dënim. 
• Shfaqni shqetësim nëse fëmija duket i/e trishtuar ose keq, pasi kjo mund ta motivojë fëmijën që ta ndajë përvojën e tyre me ju. 
• Mos ushtroni presion mbi fëmijën që t’i përgjigjet pyetjeve tuaja, ose “mos i thoni që ka thënë diçka të caktuar”; 
• Kontaktoni autoritetet lokale për mbrojtjen e fëmijëve (Policia ose Qendra për Punë Sociale). Ata do të marrin masa mbrojtëse dhe mund t’ju këshillojnë për hapat tuaj të ardhshëm. Nëse jeni të shqetësuar në lidhje me sigurinë tuaj, ju mund të ngelni anonimë - 
• Kujdesuni për veten, kjo temë mund të jetë shumë shqetësuese. Nëse keni nevojë të flisni me dikë për mënyrën se si ndiheni, kontaktoni ekspertët për mbështetje. 

Te gjitha keto situata dhe elemente qe mund ti vreni ose ekziston dyshimi mbi ndonje nga keto se femiju eshte viktime e abuzimit ose neglizhimit duhet raportuar si person jurik apo fizik, mbrojtja e femijeve duhet pare nga kendevshtrimi i perbashket ne komunitet varesisht nga kompletenca dhe pozicioni ne te cilin ndodheni, mos raportimi i rasteve eshte shkelje e dispozitave ligjore. Duke kerkuar ndihme dhe duke referuar rastet ju siguroheni se keni marr te gjitha masat e duhura per mireqenien e femijes duke bazuar ne interesin me te mire te femijes.