Kontrolli shëndetësor rutinë: deri në moshën 18 muaj

Kontrollet rutinë me qëllim parandalues të fëmijëve në këtë moshë përfshijnë ekzaminimet e rritjes, zhvillimit (me rizbatim të pyetësorëve të vlerësimit të zhvillimit) dhe të shëndetit të fëmijës suaj. Do të kryhet rivaksinimi i planifikuar dhe do të jepen rekomandime për zhvillimin e mëtejshëm të fëmijës.

Fëmija juaj njeh veten dhe të tjerët, i thërret në emër, thotë 6-8 fjalë rrjesht të bashkuara në një fjali të thjeshtë, ngjit shkallët, përdor lugën, ecën pa mbështetje, përmirëson shprehitë e të ushqyerit të vetes, mund të zhgaravisë në letër, në mur, etj. Përdor dy fjalë në një fjali, emërton pjesët e trupit ose piktura të njohura për të. E kupton se objekti nuk humb kur e fshehin të rriturit, përpiqet të përdorë objekte për synimet e tij, përfshin një person tjetër në lojën simbolike.

Ju jeni mësuesi kryesor i fëmijës suaj dhe është e rëndësishme të jeni një shembull pozitiv për të.

Përveç gjërave të zakonshme, mos harroni të tregoni:

Lodrën e preferuar të fëmijës suaj
Shishe prej qelqi me ujë të pijshëm
Pyetje që do t’ia drejtoni mjekut/infermieres.

Përmbajtja e vizitës parandaluese

Matja e peshës dhe gjatësisë së fëmijës
Kontrollimi i zhvillimit të fëmijës (thotë shumë fjalë dhe disa i thotë të bashkangjitura, shfaqë ndjeshmëri kur të tjerët nuk janë të lumtur, shkarravitet në mënyrë spontane, i ndan format, ushqehet vetë dhe pi nga gota pa kapak, i zbath këpucët, çorapet, kapelat, i njeh të paktën 6 pjesë të trupit, vrapon por mund të mos ju shmanget pengesave, ndërton një kulle prej tri ose më shumë blloqeve, ndjek udhëzimet e thjeshta).
Mbështetje e zhvillimit të fëmijës (të emërojë objektet dhe fotografitë e përditshme dhe të jetë në gjendje t’i përsëris ato, imitimi dhe pritja e rradhës, të vështrojë librat, të flasë për fotografitë, të ketë mundësi zgjedhje (mollë, banane), muzikë, të vallëzojë, të vishet, të bëjë vizita të vazhdueshme në vendet e preferuara në ambiente të hapura, të luajë me natyrën, me rërën, piknik në park.
Këshilla për parandalimin e aksidenteve.
Përgjigja ndaj shqetësimeve që prindërit mund t'i kenë në lidhje me shëndetin fizik, rritjen, zhvillimin, shqisat e të dëgjuarit dhe të pamurit.
Ofrimi i informacione dhe udhëzime mbi shëndetin.
Shqyrtimi i statusit të imunizimit.
Ofrimi i këshillave mbi të ushqyerit dhe aktivitetet fizike, si dhe menaxhimin e gjumit.
Rekomandime specifike në rast se fëmija është me aftësi të kufizuara ose pengesa gjatë zhvillimit.

Vaksinimi

Vaksinimi nuk është planifikuar në këtë moshë, përveç nëse fëmija juaj ka mbetur pa marrë një nga vaksinat e rregullta të planifikuara më parë.

Mendimi përfundimtar

Në fund të vizitës, mjeku apo infermieri/ja do t'ju japë informacionet e fundit në lidhje me shëndetin e fëmijës tuaj dhe do t'ju japë rekomandime për aktivitetet e ardhshme dhe do të ju tregojë për vizitën e radhës.

Kontrolli i zakonshëm shëndetësor është një mundësi për të kontrolluar shëndetin e fëmijës tuaj, por gjithashtu një mundësi për të sqaruar disa shqetësime dhe për të marrë këshillat dhe rekomandimet e nevojshme se si të mbështesni me sukses shëndetin dhe zhvillimin e fëmijës tuaj.