Larja e nevojshme e karrocave për fëmijë

Në shumicën e karrocave, tregohet dhe shënohet metoda e mirëmbajtjes, larjes, heqjes së të gjitha pjesëve të tekstilit, mbulesave dhe jastëkëve, gjithashtu kanë simbole që tregojnë nëse lejohet larja në makinë larëse dhe në çfarë temperature. Sa më shumë pjesë të palosshme dhe të lëvizshme ka në karrocë, aq më e lehtë është për t'u larë dhe mirëmbajtur.

Filloni duke e çmontuar karrocën në pjesët më të vogla të mundshme, pastaj fshijini të gjitha palosjet ku mund të kenë mbetur thërrimet e ushqimit dhe papastërtitë e tjera. Lani karrocën me sfungjer dhe ujë të ngrohtë si dhe detergjent të butë për fëmijë. Nëse ka njolla ose pika të vështira, trajtojini ato me produkte të përshtatshme për foshnjat të testuar për përdorim në gjërat e foshnjës.

Përdorni detergjentë neutralë dhe shpëlajini ato tërësisht dhe pastaj thani secilën pjesë me leckë të thatë. Vëmendje të veçantë kushtojini mekanizmave të rrotave, të cilët duhet të pastrohen mirë për të hequr pluhurin, gurët dhe sendet e tjera të vogla të mbërthyera në rrota. Lani rrotat me ujë të ngrohtë dhe sfungjer.

Nëse nuk është e mundur të çmontoni karrocën, mund ta lani nën ujë të rrjedhshëm në vaskë ose në oborr. Gjithmonë shpëlajeni disa herë, sepse ndonjëherë mund të mbeten rrathë të bardhë nga sasia më e madhe e detergjentit nëse pëlhura nuk është shpëlarë tërësisht. Përdorimi i furçave të forta, telave dhe sendeve të ngjashme mund të dëmtojë materialin. Pjesët metalike lahen nën ujë të rrjedhshëm dhe janë më të lehtat për tu mirëmbajtur. Meqenëse karrocat ruhen kryesisht në ambiente të mbyllura, si: korridore, bodrume, garazhe ku mund të thithin lagështi, tym dhe papastërti të tjera, rekomandohet t'i mbroni ato me mbulesa speciale përpara se ti rivendosni në vendin e tyre.

Mirëmbajtja dhe higjiena e duhur zgjasin jetën e karrocës, mbron fëmijën nga infeksionet dhe garanton sigurinë në përdorim.