Leximi me foshnjat që nga lindja

Pse është e rëndësishme të lexoni me fëmijën tuaj

Ndarja e tregimeve, të folurit dhe të kënduarit e ndihmon zhvillimin e foshnjës tuaj në shumë mënyra.

Bërja e këtyre aktiviteteve çdo ditë e ndihmon fëmijën tuaj të njihet me tingujt, fjalët, gjuhën dhe, përfundimisht, vlerën dhe kënaqësinë nga librat. Ky fillim i mirë në të vërtetë e ndihmon atë të jetë një lexues i suksesshëm më vonë në jetë. Pra është një kohë e mrekullueshme për ju që të lidheni me fëmijën tuaj dhe të kaloni kohë së bashku.

Përderisa fëmija juaj rritet, leximi i tregimeve gjithashtu e stimulon imagjinatën e saj dhe e ndihmon atë të mësojë rreth botës përreth saj.

Mund të filloni t’i lexoni me zë fëmijës suaj sa më herët që të dëshironi - sa më herët aq më mirë. Për fillim artikujt tanë për leximin e tregimeve me foshnjat dhe fëmijët dhe zhvillimin e shkrim leximit përmbajnë më shumë informacione.

Ndarja e librave me fëmijën tuaj

Edhe foshnjat e vogla mund të kënaqen dhe të përfitojnë nga leximi i librave me ju. Për shembull, ju mund të:

• lexoni ngadalë dhe kaloni kohë në secilën faqe pasi t’i keni lexuar fjalët - kjo e lejon fëmijën tuaj të përqendrohet në formën e fjalëve dhe fotografive
• tregoni dhe emërtoni gjërat e njohura dhe të reja që fëmija juaj i sheh në faqe, në vend që t’i lexoni fjalët
• ndryshoni tonin e zërit tuaj derisa lexoni - bëjeni atë interesant për ju dhe foshnjën tuaj
• krijoni një hapësirë të veçantë leximi në shtëpi - për shembull, një karrige komode që është mjaft e madhe dhe e rehatshme për ju dhe foshnjën (si një karrige për fëmijë), me një kuti librash ose raft librash aty pranë.
• Bëni një rutinë dhe përpiquni të ndani të paktën një libër çdo ditë. Për shembull, ndarja e një libri mund të jetë një mënyrë relaksuese për ta përfunduar ditën.
• Fikni pajisjet tuaja dhe gjeni një hapësirë të qetë në mënyrë që fëmija juaj ta dëgjojë zërin tuaj.
• Provoni zhurmat dhe tingujt qesharak - luani dhe argëtohuni!
• Mbajeni librin mjaft pranë foshnjës tuaj në mënyrë që ajo ta shohë. Mund ta mbani foshnjën tuaj afër, në gju ose të uleni para saj derisa lexoni, në mënyrë që ajo të shohë edhe fytyrën tuaj.

Çfarë të lexoni me fëmijën tuaj

Në përgjithësi, foshnjat pëlqejnë libra që kanë vjersha, ritëm dhe përsëritje të mirë. Kjo përsëritje dhe ky këndim me rimë i ndihmon fëmijët të mësojnë.

Që kur fëmija juaj lind, ju mund të kërkoni për:

• libra me ngjyra të ndezura ose fotografi të thjeshta, të mëdha dhe me kontrast të lartë, si fotografi bardh e zi - këto janë interesante dhe të lehta për t’u fikusuar për foshnjat
• libra me tekstura të ndryshme në mënyrë që fëmija juaj të dëgjojë, shikojë dhe ndjejë librin
• libra me fotografi të foshnjave dhe fytyrave
• libra të butë, plastikë të papërshkueshëm nga uji dhe që mund të futen në gojën e foshnjës tuaj dhe në banjë.

Mbani mend, nëse nuk keni libra, tregoni fëmijës suaj histori, këndoni këngë që doni, shikoni dhe flisni për fotografitë e familjes - gjithçka që ju bashkon është e mrekullueshme!