Lidhja me fëmijët e porsalindur dhe bebet: në fotografi

Lidhja nëpërmjet përqafimit, kontaktit dhe shprehive të fytyrës

Përqafojeni beben afër anës së majtë të kraharorit tuaj, në mënyrë që ai të mund të dëgjojë rrahjet tuaja të zemrës. Kjo është një mënyrë e mirë për t'u lidhur me fëmijën e porsalindur, sepse i ndihmon ata të ndihen të sigurt.

Kontakti direkt me lëkurën e bebes, si përshembull masazhimi i tyre, e ndihmon atë të ndihet i mbrojtur. Përdorni gjithmonë prekje të buta.

Fokusohuni në sytë e bebes tuaj dhe përdorni shprehi të fytyrës kur i flisni atij. Kjo e ndihmon beben tuaj të mësojë lidhjen ndërmjet fjalëve dhe ndjenjave.

Bisedoni dhe lexoni: Një ide e mirë për të krijuar afrimitet

Fëmijëve të porsalindur i'u pëlqen më shumë të dëgjojnë një zë recitues në vend të një bisede normale të të rriturve. Provoni këtë lloj toni kur flisni me beben tuaj.

Lexoni libra dhe tregoni histori rreth bebes tuaj që nga lindja. Asaj do t'i pëlqejë të dëgjojë zërin tuaj gjatë kësaj kohe të veçantë që po kaloni së bashku.

Bisedoni me beben tuaj përgjatë gjithë ditës. Provoni të emërtoni lodrat dhe gjërat që ju rrethojnë. Për shembull, 'Shiko, këto janë çorapet e tua. Ato vishen në këmbët e tua.'

Duke kënduar, duke buzëqeshur dhe duke luajtur: më shumë ide lidhjeje

Këndimi është një mënyrë argëtuese për të zhvilluar aftësitë gjuhësore të bebes. Asaj do ti pëlqejë ritmi dhe do të qetësohet nga zëri juaj.

Buzëqeshini bebes tuaj. Kur ai ju shikon të buzëqeshur, do të ndihet mirë dhe do të lëshojë kimikate të cilat e ndihmojnë trurin e tij të rritet.

Luani lojëra të thjeshta me të, si qepalla ose symbyllazi. Lojërat do ta ndihmojnë atë të zhvillojnë aftësitë e të mësuarit si dhe të lëvizjes.