Metodat alternative të ushqyerjes së të porsalindurve dhe foshnjave

Ushqimi me gotë është një teknikë që rekomandohet si kalim në ushqyerjen me gji. Kjo është mënyra ideale e plotësimit me qumështin e gjirit, derisa fëmija është ende i vogël dhe i dobët dhe nuk mund të sigurojë marrje të mjaftueshme, duke thithur vetëm gji.

Ushqimi me gotë ka disa përparësi krahasuar me ushqimin me shishe:

• Stimulon koordinimin e thithjes, gëlltitjes dhe frymëmarrjes.
• I mundëson fëmijës të kontrollojë sasinë dhe shpejtësinë e të ushqyerit.
• Fëmija mbahet afër nënës dhe është në gjendje të komunikojë me sy.
• Mirëmbajtja e higjienës është e lehtë.

Zakonisht metoda më e përdorur e të ushqyerit është përmes shishes me biberon. Të ushqyerit me shishe mund të krijojë vështirësi në kapjen e gjirit dhe ndonjëherë çon edhe në dështim të gjidhënies. Kjo metodë e të ushqyerit nuk rekomandohet për fëmijët që nuk mund të thithin gji ende, dhe as për ata/ato që ka marrë ushqim shtesë.

Nëse fëmija juaj ushqehet me shishe, është e rëndësishme t’i ndiqni rekomandimet për mirëmbajtjen e higjienës së pajisjeve dhe përgatitjen e vakteve. Rekomandohet që rreth muajit të 6-të, fëmija të fillojë të përdorë një gotë, të mësojë se si të pijë nga gota dhe të ndërpresë përdorimin e shishes deri në fund të vitit të parë. Të ushqyerit përmes sondave është i nevojshëm për fëmijët që nuk kanë koordinim ndërmjet thithjes së gjirit dhe gëlltitjes. Shiringat, pikatoret ose lugët e çajit mund të përdoren për sasi shumë të vogla qumështi, siç është kolostrumi (kulloshtra) në ditët e para të jetës. Foshnja nuk mund ta kontrollojë rrjedhën e qumështit, kështu që ekziston mundësia e ngulfatjes me qumësht nëse jepet shumë shpejt.