Rekomandime të përgjithshme për fëmijët me humbje në peshe

Humbja e peshës (ose fitimi i pamjaftueshëm i peshës), në shkallë të ndryshme, mund të ndodhë në çdo kohë të jetës së fëmijës dhe më së shpeshti është rezultat i sëmundjes dhe/ose kequshqyerjes. Përgatitja e duhur e ushqimit, duke ofruar më shpesh ushqim me cilësi të lartë dhe një marrëdhënie prind-fëmijë me cilësi të lartë në përputhje me nevojat e fëmijës do të bëjë të mundur që gradualisht të kompensohet humbja e peshës (fitim i pamjaftueshëm i peshës).

Humbja e peshës, ose rritja në gjatësi që nuk shoqërohet me shtim të peshës përkatëse tek një fëmijë, është shpesh rezultat i sëmundjes dhe/ose kequshqyerjes. Duke ditur se ushqimi optimal gjatë fëmijërisë së hershme është thelbësor për zhvillimin e potencialit të plotë të një fëmije, ju mund të përpiqeni ta trajtoni vetë këtë çrregullim.

Këtu janë disa rekomandime të dobishme që do t'ju ndihmojnë të bëni korrigjimet e nevojshme ose t'i zbatoni ato para se të vizitoni pediatrin.

Gjatë sëmundjes

Nëse fëmija është në vitin e dytë të lindjes dhe ushqehet me qumësht gjiri, sigurohuni që ai/ajo të kërkojë të thithë më shpesh. Në këto rrethana, edhe pse ushqyerja me gji do të jetë më e shkurtër – përpiquni t’i përgjigjeni nevojës së tij/saj.
Fëmija ka oreks më të dobët dhe do të ha më pak, por është me rëndësi që ai/ajo të marrë një sasi të mjaftueshme të lëngjeve.
Përgatitni shpesh dhe ofroni fëmijës suaj një larmi ushqimesh më të buta (supa, gjellë me perime, pjepër të freskët e shalqi të freskët ...) dhe sigurohuni që këto të jenë ushqimet e tij/saj të preferuara.
Midis shujtave, ofroni lëngje, mundësisht vetëm ujë, madje edhe në gllënka të vogla, në një sasi më të madhe, më të shpeshtë se zakonisht sepse humbjet janë më të mëdha (përmes jashtëqitjes, lëkurës, frymëmarrjes).
Monitoroni sjelljen e fëmijës suaj dhe përgjigjuni ndaj nevojave të tij/saj: jepni lëngje ose ushqim në sasinë që ai/ajo mund të konsumojë.

Pas sëmundjes apo pas një periudhe të të ushqyerit të pamjaftueshëm

(apo arsye tjera ekonomike ose social-emocionale):

Është e nevojshme të inkurajohet fëmija të hajë më shumë dhe/ose më shpesh derisa ai/ajo të rifitojë peshën e humbur dhe të vazhdojë të rritet normalisht.
Nëse fëmija është më i vogël se 2 vjeç dhe ushqehet me qumësht gjiri, është e nevojshme të vazhdoni ushqyerjen me gji në përputhje me nevojat e fëmijës, ndoshta më shpesh.
Kushtoni vëmendje rekomandimeve për ushqyerje optimale në përputhje me moshën e fëmijës, por kini parasysh që nevojat e fëmijës suaj janë më të mëdha në këtë kohë.
Për t'iu përgjigjur në mënyrë adekuate nevojave të rritura ushqyese të fëmijës, siguroni një dietë me proteina me cilësi të lartë: do të kryejnë punë lloje të ndryshme të mishit, peshkut, shpendëve, vezëve dhe bishtajoreve (bizele, fasule, thjerrëza) të kombinuara me drithëra; kështu fëmija do të marrë sasinë e nevojshme të mineraleve - hekurit dhe zinkut.
Është e nevojshme të përgatitet ushqim me densitet të lartë të energjisë; prandaj, shtoni një lugë gjelle vaj ose një kub gjalpi në pure (bollgur, qull me miell misri, drithëra).
Vazhdoni të ushqeni fëmijën tuaj me fruta dhe perime të freskëta që janë në dispozicion në vend.
Përgatitni ushqimin në mënyrën që përgatitet zakonisht ushqimi në familje.
Mos ia mohoni ushqimin fëmijës suaj, por shmangni ofrimin e: qumështit formulë shtesë, lëngjeve dhe ushqimeve të ëmbëlsuara (lëngje me sheqer të shtuar, pije të gazuara, torta, ëmbëlsira ...), ushqime të skuqura që nuk janë të shëndetshme, mbushin stomakun dhe sigurojnë energji, por jo lëndë ushqyese të tjera të nevojshme dhe të dobishme.

Sigurohuni që të konsultoheni me një pediatër për një ekzaminim dhe rekomandime shtesë dietale, si dhe për përcaktimin e dinamikës së monitorimit të mëtejshëm të rritjes.