Aktivitete leximi: për fëmijë 2-4 vjeç
Leximi: pse është i mirë për fëmijët e moshës 2-4 vjeç
Leximi dhe tregimi e ndihmojnë zhvillimin e fëmijës tuaj në shumë mënyra. Këto aktivitete e nxisin zhvillimin dhe imagjinatën e trurit, mësojnë fëmijën tuaj për gjuhën dhe emocionet dhe hedhin themelet për aftësitë në shkrim-lexim. Leximi është gjithashtu një mënyrë e shkëlqyeshme për ju për ta ndarë kohën së bashku.
Çfarë ju nevojitet për të lexuar me fëmijën tuaj?
Leximi me fëmijën tuaj ka të bëjë me argëtimin me libra dhe kalimin e kohës së veçantë së bashku. Gjithçka që ju nevojitet është një libër me ilustrime, që ju dhe fëmija juaj mund ta shijoni së bashku. Nuk keni nevojë të blini shumë libra. Nëse një bibliotekë lokale është e hapur, huazoni libra atje. Ose shkëmbeni me miqtë dhe familjet e tjera.
Fëmija juaj mund të gëzojë:
- libra që kanë rimë të mirë, ritëm dhe përsëritje,
- libra në lidhje me një temë të preferuar, si makina, zanë, insekte ose dinozaurë (fëmija juaj mund të ketë interesa të tjera),
- libra me figura 3D, libra të ndryshme alfabeti, forma, madhësia dhe numërimi,
- libra që përdorin humor dhe kanë një ndjenjë argëtimi - për shembull, një personazh që përdor një fjalë qesharake, ose që është “çapkën”.
Si ta shijoni leximin dhe të rezervoni kohë me fëmijën tuaj?
Ja se si ju dhe fëmija juaj mund të shfrytëzoni sa më shumë kohën e librit:
- Ndihmoni fëmijën tuaj të zgjedhë një libër. Është në rregull nëse ai/ajo zgjedh të njëjtën gjë gjithmonë. Nëse është diçka që nuk e keni lexuar më parë, shikoni kopertinën dhe pyeteni se për çfarë mendon se mund të jetë.
- Kërkojini fëmijës tuaj ta mbajë librin dhe ta shfletojë atë.
- Lexoni tregimin së bashku.
- Ndryshoni ritmin e leximit tuaj, si dhe me sa zë të lartë lexoni. Ndryshimi i zërit dhe shprehjes tuaj për personazhe të ndryshëm mund të jetë gjithashtu argëtues.
- Brohoritni ose këndoni fraza dhe fjalë të përsëritura së bashku.
- Tregoni gjërat në fotografi dhe emërtojini ato, ose kërkoni që fëmija juaj t’i emërtojë- “Oh, çfarë është kjo kafshë? Gjyshja jote e ka një të tillë!” Flisni për fotografitë dhe bëni pyetje fëmijës tuaj - për shembull, “Çfarë mendoni se ndodh më pas?” ose “Pse fëmija është i lumtur?” Kjo është vetëm për argëtim, nuk është test!
Disa këshilla të përgjithshme për të lexuar me fëmijën tuaj
- Bëni një rutinë dhe përpiquni të ndani së bashku të paktën një libër çdo ditë.
- Drejtohuni nga interesi i fëmijës suaj. Nëse fëmija juaj dëshiron të kalojë më shumë kohë duke lexuar, kjo është mirë. Dhe nëse ai/ajo ndonjëherë dëshiron vetëm një libër ose histori, kjo është gjithashtu në rregull.
- Fikni televizorin ose radion, në mënyrë që fëmija juaj të mund të përqendrohet.
- Mbajeni fëmijën tuaj afër ose në gjunjë derisa lexoni në mënyrë që ai të shohë fytyrën tuaj dhe librin.
- Përdorni lloje të tjera librash, nëse nuk mund të shkoni në një bibliotekë ose të blini libra të rinj. Për shembull, mund të bëni një libër me fotografi të prera nga një revistë ose të vizatuara thjesht, duke shtuar fjalë që tregojnë historinë. Ose ftojeni fëmijën tuaj t’ju tregojë një histori derisa e shkruani. Mund të filloni duke dhënë fjalinë e parë: “Një ditë, X shkoi për shëtitje me nënën e tij/saj. Së pari ajo e pa” (fëmija e plotëson fjalinë).
