Çfarë mund të bëni nëse vëreni abuzimin dhe/ose neglizhimin e fëmijëve në mjedisin tuaj?

Nëse vëreni ndonjë nga shenjat e mëposhtme te fëmijët në mjedisin tuaj, mund të dyshoni se është rasti i abuzimit dhe neglizhimit. 

• Mosbesimi i fëmijës ose kujdesi ekstrem ndaj gjithë të rriturve; 
• Sjellja jashtëzakonisht agresive, e nënshtruar, e shqetësuar ose anksioze e fëmijës; 
• Vetëbesim i ulët, tërheqje ose vështirësi në vendosjen e marrëdhënieve me të rriturit ose fëmijët e tjerë; 
• Bindja e tepërt dhe përulësia për t’i kënaqur të rriturit; 
• Vështirësi përqendrimi; 
• Tundje e tepërt, murmuritje, thithje ose kafshim i lehtë; 
• Ankthe të shpeshta ose vështirësi për të fjetur; 
• Ju duket se fëmija është i prirur ndaj aksidenteve ose ka plagë ose lëndime të pashpjegueshme në faza të ndryshme të shërimit; 
• Shpjegime të paqarta për lëndimet që nuk përputhen me llojin e lëndimit; 
• Fëmija nuk dëshiron të shkojë në shtëpi nëse ai është diku tjetër (ose në ndonjë vend tjetër); 
• Përdorimi i papërshtatshëm i termave ose sjelljeve seksuale të lidhura me moshën dhe zhvillimin e fëmijës. 

Çfarë mund të bëni nëse dyshoni se një fëmijë nga mjedisi juaj është abuzuar ose lënë pas dore: 

• Bëhuni të ndjeshëm ndaj shenjave paralajmëruese të abuzimit ose neglizhimit të mundshëm 
• Ofrojuni fëmijës të flasë me ju në çdo kohë; 
• Bëni biseda të qeta, pa dënime. 
• Tregohuni i shqetësuar nëse fëmija duket i trishtuar ose keq, pasi kjo mund ta motivojë fëmijën që ta ndajë përvojën e tij me ju. 
• Mos ushtroni presion mbi fëmijën që t’i përgjigjet pyetjeve tuaja, ose “të vendosni fjalë në gojën e tij”; 
• Kontaktoni autoritetet lokale për mbrojtjen e fëmijëve (Policia ose Shërbimi Social). Ata do të marrin masa mbrojtëse dhe mund t’ju këshillojnë për hapat tuaj të ardhshëm. Nëse jeni i shqetësuar në lidhje me sigurinë tuaj, ju mund të ngelni anonim; 
• Kujdesuni për veten, kjo temë mund të jetë shumë shqetësuese. Nëse keni nevojë të flisni me dikë për mënyrën se si ndiheni, kontaktoni ekspertët për mbështetje.