Çfarë ndodh më pas...? Loja e tregimit!

Materialet që ju duhen:  asnjë 

Çfarë mund të bëni së bashku: Qëllimi i lojës është i thjeshtë - të punoni së bashku për të treguar një histori emocionuese! 

Në varësi se sa lojtarë do jenë, merrni fëmijët dhe uluni në një rreth – ose planifikoni një rend në mënyrë që ata të dinë se kur vjen radha e tyre. Zgjidhni një lojtar për të filluar lojën duke treguar fillimin e një historie...

Çdo lojtar ka një minutë për të treguar pjesën e tij të tregimit. Pasi të mbarojë koha e tyre, lojtari tjetër vazhdon nga vendi ku ata e lanë. 

Historia mund të përfundojë derisa mbaron lojtari i fundit ose një mënyrë alternative është të vendosni një afat kohor për lojën (p.sh. pesë minuta) - derisa historia të përfundojë, secili lojtar thotë me radhë pjesën e tij/saj. Sa më e gjatë të jetë historia (koha), aq më kreative bëhet loja! 

Inkurajoni fëmijët që të përdorin sa më shumë fantazinë në historitë e tyre. Çfarë karakteresh të ndryshme do të përfshijnë? Po ndodh në ndonjë vend misterioz? A do të ketë historia ndonjë kthesë të papritur? Kjo lojë argëtuese dhe krijuese është e sigurt që do të shkaktojë shumë të qeshura!

Shtoni një element zbavitës në lojë - pasi çdo lojtar ka treguar pjesën e tyre të historisë, ata zgjedhin se kush do jetë tjetri në radhë. Fëmijët duhet të sigurohen që po i kushtojnë vëmendje të plotë historisë! 

Çfarë po mëson fëmija juaj: Kjo lojë është një mënyrë e shkëlqyer për fëmijët për të eksploruar imagjinatën e tyre, si dhe për të zhvilluar aftësitë e dëgjimit, aftësitë sociale dhe besimin. Për më tepër, nuk ka nevojë për materiale specifike - dhe mund të luhet në çdo kohë dhe kudo!