Goditja nga dielli dhe si ta parandaloni atë

Goditja nga dielli mund të ndodhë shumë shpejt, veçanërisht në qoftë se fëmija ka qenë aktiv në diell, por goditja e vonuar nga dielli është më e zakonshme te fëmijët; ndodh disa orë pasi fëmija ka qëndruar në diell - në mbrëmje para ose gjatë gjumit.

Simptomat e goditjes nga dielli 

Simptomat e goditjes nga dielli mund të jenë të hershme ose të vonuara. Simptomat e hershme të goditjes nga dielli janë:

• dobësi e papritur e fëmijës
• marramendje
• dhimbje koke
• të përziera
• të vjella
• përgjumje
• ethe
• lëkura e mbuluar në djersë
• dridhje

Sa më i vogël të jetë fëmija, aq më të theksuara janë këto simptoma dhe aq më e madhe është mundësia e komplikacioneve.

Në djegiet “e vonuara” nga rrezet e diellit, simptomat shfaqen më ngadalë, janë më pak intensive, por zgjasin më shumë. Fëmijët janë të nxehtë dhe të skuqur; ata duken sikur po preken nga një virozë, kështu që prindërit shpesh janë të hutuar, duke menduar se është një infeksion. Fëmijët e vegjël bëhen shumë të parehatshëm - ata qajnë, dhe në shikim të parë duket se qajnë pa asnjë arsye. Zakonisht fëmijët më të rritur kanë trazim të barkut (ndonjëherë të vjella), çrregullim të humorit dhe pagjumësi. Rregulli bazë është rritja e temperaturës së trupit.

Si ta parandaloni goditjen nga dielli?

• Ndiqni informacionet mbi indeksin UV të publikuar në media dhe ndiqni rekomandimet e dhëna.
• Fëmijët e vegjël mund të ekspozohen në diell vetëm në kohën e rekomanduar (para orës 10 të mëngjesit dhe vonë pasdite, pas orës 5), me përdorimin e detyrueshëm të kremrave kundër diellit me një faktor të lartë të mbrojtjes nga dielli, në përputhje me moshën.
• Pjesën e ditës, kur dielli është më i fortë kalojeni me fëmijën në hije ose në dhomat e freskuara siç duhet.
• Visheni fëmijën me rroba të çelëta të bëra me materiale natyrore.
• Vendosini një kapuç ose kapelë në kokë, si dhe syze dielli me mbrojtje UV të përshtatshme.
• Jepini fëmijës shumë lëngje (sidomos ujë) gjatë gjithë ditës.
• Lëreni të hajë më shpesh, ushqime të lehta dhe më pak ushqime të rënda.
• Nëse ndodh që të jeni jashtë në pjesën më të nxehtë të ditës, sigurohuni që fëmija të jetë më pak aktiv fizikisht, që të vrapojë dhe kërcejë më pak për ta shmangur mbinxehjen.
• Futeni fëmijën shpesh me ujë - lajini fytyrën, kokën, këmbët dhe krahët.