Kërkesat e pa-realizueshme: çfarë të bëjmë në lidhje me to!

Pse fëmijët kanë kërkesa të pa-realizueshme?

Për fëmijën tuaj, bota është plot me gjëra interesante. Në qendrat tregtare, shpesh ato janë në nivelin e syve të fëmijës suaj. Fëmijët gjithashtu ndikohen lehtë nga marketingu i zgjuar i produkteve të fëmijëve – për shembull, lodrat dhe ushqimi jo i shëndetshëm. Në fakt, mund të jetë e vështirë për fëmijët të kuptojnë se disa gjëra të bukura, të shndritshme apo të shijshme nuk janë të mira për ta ose janë një humbje parash.

E gjithë kjo mund të çojë në kërkesa të tilla – “A mund të marr një lëpirëse?”, “Unë e dua këtë lodër!”, “Të lutem, të lutem, të lutem!”

Kërkesat e pa-realizueshme mund t’ju lodhin. Madje mund t’ju vënë edhe në situata të sikletshme, për shembull: “Pse nuk mund ta blejmë këtë lodër?” Mund të jetë e vështirë të thuash jo kur e di se blerja e saj do t’i sjellë fëmijës kënaqësi të çastit – ose do të të sjellë lehtësim të menjëhershëm nga kërkesat e përsëritura, rënkimet ose nervozizmi.

Por nëse dorëzohesh, fëmija yt mëson se kërkesat e pa-realizueshme kanë efekt. Dhe kjo do të thotë se ai/ajo do të vazhdojë me kërkesa të tilla.

Të kërkosh gjëra nuk është gjithmonë e mërzitshme. Gjithashtu, mënyra se si u përgjigjesh kërkesave të fëmijëve u jep mësime të rëndësishme se si të ndikojnë, negociojnë dhe komunikojnë.

Reduktimi i kërkesave të pa-realizueshme

Ju mund të ndërmerrni hapa që në radhë të parë, të zvogëloni shfaqjen e kërkesave të pa-realizueshme:

• Vendosni disa rregulla bazë para se të bëni pazar. Bisedoni me fëmijën se çfarë sjellje pret dhe si do t’i përgjigjesh çdo kërkese që ai/ajo ju bën.
• Lavdëroje fëmijën për sjelljen e mirë gjatë blerjes. Kushtoni shumë vëmendje pozitive që ai/ajo të kuptojë se ju e vini re kur nuk bën kërkesa të pa-realizueshme. Për shembull, “jam vërtet krenar/e që më ndihmove të bëja pazar dhe nuk kërkove gjëra që nuk mund t’i merrnim”.
• Ofroni shpërblime të shëndetshme për sjelljen e mirë gjatë blerjes. Për shembull, “Nëse mund të bëjmë pazarin pa kërkuar gjëra për të blerë, do të ndalemi te parku gjatë rrugës për në shtëpi”.
• Keni kujdes nga reklamat në shtëpinë tuaj – për shembull, nëpërmjet televizorit, radios, internetit, postës së padëshiruar, aplikacioneve dhe mediave sociale. Sa më shumë që sheh reklama fëmija juaj, aq më shumë do t’i dojë ato produkte.
• Fol me fëmijën për reklamat dhe blerjet e zgjuara.
• Merrni vendime si familje për atë që do të bleni. Mund t’ia ri-rkujtosh fëmijëve këto vendime kur bëni pazar. Për shembull, “A të kujtohet që vendosëm të mos blinim pije me gaz për ca kohë? Në këtë mënyrë ne të gjithë jemi duke u kujdesur më mirë për dhëmbët tanë”.

Një mënyrë e mirë për ta reduktuar reklamimin në internet ose në aplikacione është duke zgjedhur lojërat, aplikacionet dhe filmat për fëmijë pa reklama. Ndonjëherë mund t’ju duhet të paguani pak më shumë për versionin pa reklama të një aplikacioni por kjo mund t’ia vlejë.

Trajtimi i kërkesave të pa-realizueshme

Nëse fëmija bën kërkesa që nuk mund t'ia plotësoni ose përpiqet t’ju detyrojë të blini gjëra, duke rënkuar, kërkuar ose kërcënuar, atëherë mund të provoni si më poshtë:

• Ri-kujtoja fëmijës rregullat bazë që i keni diskutuar së bashku.
• Bëjani të ditur fëmijës se nuk do ta shqyrtosh kërkesën derisa ta përdorë sjelljen e duhur. Për shembull, mund të thuash: “Beni, përdor një zë më të butë” ose “Mendo se si po e bën këtë pyetje”.
• Mos thuaj po ose jo derisa të jesh i/e kënaqur me mënyrën se si të kanë pyetur.
• Sigurohuni që fëmija juaj ta kuptojë se e keni dëgjuar dhe kuptuar. Në këtë mënyrë, ka më shumë të ngjarë që fëmija të pranojë përgjigjen tënde. Për shembull, mund të thuash: “Po, duken të shijshme”.
• Kur të thuash jo, përmbaju asaj fjalë. Dorëzimi ndaj kërkesave të pa-realizueshme mund t’i mësojë fëmijët të bëjnë më shumë të tilla. Nëse thua jo dhe pastaj dorëzohesh, fëmija merr mesazhin se rënkimi dhe qarja mund të funksionojë.
• Pranoje zhgënjimin e fëmijës nëse ke thënë jo. Për shembull, “E shoh që i doje me të vërtetë ato biskota. Por ne tashmë kemi ngrënë mjaft për sot”. Bisedat e tilla dërgojnë një mesazh empatie dhe mund të të ndihmojnë ty dhe fëmijën të vazhdoni më tej.
• Pasi t’i thuash jo, përpiqu ta shpërqendrosh fëmijën me diçka tjetër. Për shembull, “Na duhen mollë. A mund të më ndihmosh t’i gjej?”

Rrini të qetë kur fëmijët bëjnë kërkesa të pa-realizueshme

Kërkesat e pa-realizueshme mund të jenë frustruese dhe bezdisëse. Nëse mendon se kërkesat e tilla po bëhen më sfiduese, ky ushtrim mund të të ndihmojë:

1. Ndalo.
2. Numëro deri në 10.
3. Pastaj përgjigju fëmijës.

Ato 10 sekonda shtesë janë shpesh të mjaftueshme për të të qetësuar.

Kërkesat e pa-realizueshme mund të jenë veçanërisht stresuese kur sjellin një acarim në një vend publik. Mos u tundo të dorëzohesh, sepse ka të huaj që shikojnë. Qëndroni të qetë dhe harroni kush po ju vëzhgon. Ka të ngjarë që shumica të jenë duke shikuar me empati dhe se ndoshta edhe ata e kanë kaluar këtë fazë!