Larja e dhëmbëve të fëmijëve: ilustrim me fotografi
Për dhëmbët e fëmijëve
Dhëmbët e foshnjës mund të dalin në çfarëdo renditje. Të gjithë 20 dhëmbët e bebeve zakonisht dalin deri në moshën tre vjeçare. Filloni të pastroni dhëmbët sapo të dalin. Përdorni një furçë dhëmbësh të vogël e të butë ose një pastrues të fytyrës të pastër e të lagësht për të pastruar mishrat e dhëmbëve të bebeve dhe të gjitha anët e çdo dhëmbi.
Të gjithë 32 dhëmbët e rritur zëvendësojnë dhëmbët e bebes midis moshës 6 dhe 20 vjeç. Mbikëqyrni dhe ndihmoni në pastrimin e dhëmbëve të fëmijëve deri në moshën 8 vjeçare. Pastroni dhëmbët dhe mishrat e dhëmbëve dy herë në ditë, një herë në mëngjes dhe një herë natën para se të flini.
Pastrimi i dhëmbëve: Fillimi
Në moshën nën 18 muaj, përdorni vetëm ujin për pastrimin e dhëmbëve. Nga 18 muaj deri në 6 vjeç, përdorni një sasi të vogël (madhësi të bizeles) të pastës së dhëmbëve me nivel të ulët të fluorit. Nga mosha 6 vjeçare, përdorni një sasi më të madhe të pastës së dhëmbëve për fëmijë. Përdorni një furçë të butë dhe të vogël dhëmbësh për fëmijë.
.
Ulu ose qëndro prapa fëmijës në një vend të ndriçuar mirë, idealisht para pasqyrës. Kjo e lejon fëmijën tuaj të shohë se çfarë jeni duke bërë. Është më e lehtë të ulesh apo edhe të shtrini foshnjën dhe fëmijën në prehrin tuaj.
.
Përdore dorën e lirë për të mbajtur mjekrën e fëmijës. Kërkoji të hap gojën dhe të thotë “aa”. Kontrolloni për ndonjë shenjë të prishjes së dhëmbëve, si një vijë e bardhë ose njolla kafe në dhëmbët afër mishrave. Kontrolloni mbledhjen e pllakave dentare në dhëmbë përreth linjës me mishin e dhëmbëve.
Larja e dhëmbëve: hapat
Duke përdorur lëvizje të vogla rrethore, pastroni të gjitha anët e çdo dhëmbi dhe mishrat. Pastroni para dhe mbrapa në të gjitha sipërfaqet përtypëse.
.
Kur të përfundoni pastrimin, fëmija duhet të pështyjë pastën e mbetur të dhëmbëve. Pastroni furçën dhe vendoseni në një vend të pastër për t'u tharë.
Shmangni ushqimet ose pijet me sheqer tek fëmijët. Mos i jepni fëmijës shishen me qumësht gjiri ose formulë në shtrat. Gjithmonë largojeni shishen pas ushqimit.
