Lule natyrale të thara!

Materialet që ju nevojiten: karton i hollë, libra të rëndë, lule.

Çfarë mund të bëni së bashku: Disa hapa për të ndjekur në kompozimin tuaj të luleve të thara janë: 

1. Dilni jashtë me fëmijët dhe zgjidhni disa lule të freskëta nga kopshti juaj - jini të kujdesshëm që të lini lulet e egra për t'u shijuar nga bletët dhe fluturat!
2. Lulet e shtypura janë një teknikë artistike ku lulet e freskëta thahen, përpunohen, dizenjohen dhe ngjiten. Shtypja është e përsosur për lulet me madhësi të vogël dhe kërcelli i të cilave është i mirë.
3. Lulet që i keni mbledhur, vendosini sipër një kartoni apo sipërfaqe të sheshtë dhe më pas vendosni sipër tyre disa libra të rëndë. Përmes presionit të ushtruar nga librat, luleve do t'ju mbarojë oksigjeni, duke përshpejtuar tharjen e tyre. Në këtë rast, sa më shumë presion të kenë lulet, aq më shpejt do të thahen. Për ta bërë më të lehtë heqjen e tyre nga libri më vonë, është mirë t'i vendosni midis dy letrave të aluminit. Lulet duhet të shtypen në libër për dy deri në katër javë. Gjatë kësaj periudhe, letra e aluminit duhet të ndryshohet periodikisht. Kur të vijë koha për t'i hequr, duhet ta bëjmë duke përdorur piskatore dhe me shumë kujdes.
4. Pas disa ditësh, kontrolloni se si kanë ndryshuar lulet. A janë zbehur apo kanë mbajtur ngjyrën e tyre? Eksperimentoni me lule të ndryshme; violat janë veçanërisht të mira pasi ato priren të mbajnë mirë ngjyrën e tyre. Nëse lulet bëhen ngjyrë kafe, mund të duan më shumë kohë për t'u tharë! 

Lulet më të vogla ka të ngjarë të duken më mirë kur shtypen, të tilla si manushaqet. Lulet më të mëdha nuk shtypen dot aq lehtë. 

Çfarë po mëson fëmija juaj: Kjo lojë është një mënyrë e përsosur për të sjellë bukurinë e mjediseve të jashtme brenda, dhe është e përshtatshme për çdo moshë. Lulet e shtypura janë një mënyrë krijuese për t'i nxitur fëmijët për natyrën.