Shëtitja e parë me foshnjën

Një foshnjë mund të nxirret për shëtitje nga dita e 15-të e jetës, me kusht që të respektohen disa rekomandime. Qëndrimi i foshnjës jashtë përmirëson gjendjen e tij/saj të përgjithshme, humorin, gjumin, oreksin, rezistencën ndaj infeksioneve. Kohëzgjatja e qëndrimit varet nga stina dhe kushtet klimatike.

Çfarë duhet të kemi parasysh kur shkojmë për shëtitje!?

Ditën e parë, kohëzgjatja e rekomanduar është nga 5 deri në 10 minuta, në fillim pranë shtëpisë, dhe pastaj në ditët në vijim, gjatësia e shëtitjeve rritet me 10 minuta.
Rregulloni kohën e daljes me ritmin e foshnjës, mos e nxirrni fëmijën jashtë nëse ai/ajo është nervoz ose i/e uritur.
Foshnjat e njohin botën përreth tyre përmes shëtitjeve. Imuniteti i foshnjës suaj është shumë i dobët, prandaj ai/ajo është më i ndjeshëm ndaj infeksioneve të ndryshme.
Brenda, me më shumë njerëz të pranishëm, foshnja do të ekspozohej ndaj më shumë mikrobeve.
Gjithashtu, gazrat nga veturat dhe zhurma e trafikut nuk do të jetë e mirë për foshnjën, prandaj është më mirë ta çoni atë për shëtitje në parqet me peisazhe.
Kur bëhet fjalë për rrobat, fëmija duhet të vishet në përputhje me kushtet e motit, njësoj si prindërit.
Sigurohuni që të merrni me vete një çantë me rroba për t'a ndërruar në rast nevoje.
Mënyra më e lehtë për të bërë shëtitje është me karrocë. Gjëja më e rëndësishme për një karrocë është siguria dhe rehatia.
Kur foshnja është shumë e vogël, ai/ajo merret për shëtitje në një pozicion të shtrirë përballë personit që shtyn karrocën, për komunikim më të mirë.
Pasi ai/ajo fillon të ulet, është më mirë që foshnja të jetë e kthyer përpara, në mënyrë që të përmbush nevojat për të zbuluar mjedisin e tij/saj.