Pasqyrë, moj pasqyrë!

Materialet që ju nevojiten:

• Pasqyrë
• Aksesorë: kapele, pëlhura, harqe, kukulla, etj.

Çfarë mund të bëni së bashku: Përpara se të filloni, duhet ta vendosni pasqyrën afër një muri dhe të siguroheni që ajo të jetë e mbështetur mirë. Ju mund ta shtrini fëmijën tuaj para pasqyrës në një batanije të butë ose ta ulni atë në prehër afër pasqyrës.

Fëmija juaj do të tregojë shumë interes dhe kuriozitet për reflektimin e vet në pasqyrë përballë tij/saj. Pas një kohe, ai/ajo do të jetë në gjendje të njohë reflektimin e tij/saj dhe kjo do t'i magjepsë.

Ju mund ta ndihmoni atë të lëvizë duart për të bërë gjeste ose ta kthejë kokën para pasqyrës. Tregojeni veten në pasqyrë që edhe ai/ajo t'ju shohë. Me kalimin e kohës, mund të shtoni aksesorë në lojë duke i vendosur një kapele në kokë, duke i mbuluar kokën me një shami ose duke i dhënë një kukull për të bashkëvepruar. Ju mund ta përfundoni lojën duke treguar të gjitha pjesët e trupit të tyre në pasqyrë.

Shijojeni këtë lojë me fëmijën tuaj disa herë në javë për të përforcuar njohjen e imazhit të tij/saj.

Çfarë po mëson fëmija juaj: Kjo lojë do ta ndihmojë fëmijën tuaj të zhvillojë vetëvlerësimin dhe vetëdijen, si dhe njohuritë e tyre për pjesët e trupit, aftësinë për të njohur imazhin e tij/saj dhe për të rritur të kuptuarit e mjedisit përreth.