Përplasim duart

Materialet që ju nevojiten: Një batanije e butë ose një karrige (opsionale); këngë dhe rima që mund të improvizoni.

Çfarë mund të bëni së bashku: Që në ditët e para të jetës, foshnja juaj fillon të mësojë që të njohë dhe kontrollojë trupin e tij/saj. Megjithëse është një proces që kërkon kohën e duhur, ju mund të vëzhgoni nga afër sesi fëmija juaj përpiqet të mbajë duart e tij/saj të vogla. Me këto lojëra, ju mund ta ndihmoni atë të përmirësojë aftësitë e tij/saj motorike.

Para se të filloni, duhet që të përgatisni vendin ku do luani. Vendosni batanijen ose karrigen në një sipërfaqe të rehatshme. Shtrijeni fëmijën tuaj në batanije dhe rrini afër tij në mënyrë që ai/ajo të mund t'ju shohë. Filloni duke kënduar këngë ose rima, ndërsa luani me duart dhe gishtat. Mund të provoni të këndoni si në lojën e mëposhtme:

Nëse jeni të lumtur

Nëse jeni të lumtur, përplasni duart (duartrokitni).

Nëse jeni të lumtur, përplasni duart (duartrokitni).

Nëse jeni të lumtur dhe e dini, dhe vërtet do ta tregosh (duartrokitni).

Nëse jeni të lumtur, përplasni duart (duartrokitni).

Ju mund të përdorni emrin e foshnjës tuaj sa herë që ajo ose ai dëshiron. Mos harroni që të mbani dhe të lëvizni duart e foshnjës tuaj, gjithmonë me shumë kujdes dhe delikatesë.

Çfarë po mëson fëmija juaj: Ky aktivitet e ndihmon fëmijën që të zhvillojë koordinimin e tij/saj të duarve, kontrollin motorik, si dhe të fillojë ndërveprimet shoqërore me gugatjet e para.