Regjistrimi i fëmijës në qendrat e kujdesit për fëmijë (çerdhe/kopësht): ndjenjat e fëmijës dhe ndjenjat tuaja

Ndjenjat e fëmijës suaj për qendrat e kujdesit për fëmijë (çerdhe/kopësht): ankthi i ndarjes dhe frika nga të huajt

Shumë foshnja dhe fëmijë janë të lumtur dhe të kënaqur me fillimin e çerdhes apo kopështit.

Mirëpo shumë të tjerë kanë disa reagime edhe më pak pozitive:

• Ankthi i ndarjes: kjo ndodh kur fëmijët mërziten pasi i lini në qendrat e kujdesit. Ankthi i ndarjes e arrin kulmin rreth moshës 14-18 muaj, megjithëse edhe fëmijët më të mëdhenj mund ta përjetojnë atë.
• Frika nga të huajt: kjo ndodh kur fëmijët mërziten nëse janë rreth njerëzve të tjerë. Zakonisht kulmin e arrin rreth moshës 7-10 muaj.

Ankthi i ndarjes dhe frika nga të huajt janë pjesë normale të zhvillimit të fëmijës, dhe shumë foshnja dhe fëmijë i përjetojnë pak a shumë këto ndjenja. Kjo ndodh pavarësisht nëse shkojnë ose nuk shkojnë në çerdhe ose kopësht.   

Këto situata bëhen të vështira pasi gjatë zhvillimit të fëmijës, koha kur ndodh ankthi i ndarjes dhe frika nga të huajt është shpesh koha kur prindërit po planifikojnë të kthehen në punë dhe dërgimin e fëmijëve në qendrat e kujdesit (çerdhet).

Pra, nëse foshnja ose fëmija juaj e fillon qëndrimin në qendrën e kujdesit (çerdhe) dhe përjeton ankthin e ndarjes dhe frikën nga të huajt, nuk është faji juaj - është vetëm mënyra se si zhvillohen ato.

Ankthi i ndarjes dhe frika nga të huajt në qendrën e kujdesit (çerdhet): çfarë mund të bëni

Përpiquni të mos shqetësoheni. Fëmijët zakonisht përshtaten kur fytyrat e reja në mjedisin e tyre të çerdhes bëhen të njohura. Thjesht mund tek disa fëmijë mund të marrë pak më shumë kohë se të tjerët.

Ju mund ta ndihmoni fëmijën tuaj t’i tejkalojë ankthet duke kaluar kohë së bashku me të në mjedisin e ri të çerdhes kur jeni duke u përgatitur për ta dërguar atë në çerdhe.

Po ashtu është mirë të kaloni pak kohë me fëmijën tuaj para se ta lini vetëm. Në javët e para të dërgimit të fëmijës në qendrën e kujdesit, nëse është e mundur, përpiquni ta lini fëmijën tuaj për periudha të shkurtra derisa të arrini ta lini aty deri në një ditë të tërë.

Si ndihen fëmijët për fillimin e qëndrimit në qendrën e kujdesit për fëmijë: faktorë të tjerë

Ka disa gjëra të tjera që ndikojnë në mënyrën se si fëmija juaj mund të ndiejë dhe ti përgjigjet fillimit të qëndrimit në qendrën e kujdesit:

• Marrëdhënie të beueshme dhe të dashura me edukatorët dhe kujdestarët: këto marrëdhënie e ndihmojnë fëmijën tuaj t’i përgjigjet mirë çerdhes.
• Ambienti i qendrës së kujdesit për fëmijë: nëse mjedisi është si vendet e tjera, me të cilat fëmija juaj është i njohur, ai/ajo mund të ndihet më rehat.
• Përvojat e fëmijës suaj për t’u kujdesur jashtë familjes suaj të ngushtë: këto përvoja i japin fëmijës suaj praktikë në ndërtimin e marrëdhënieve dhe e ndihmojnë atë të mësojë se gjithmonë do të ktheheni.
• Temperamenti i fëmijës suaj: kjo ndikon në mënyrën se si fëmija juaj përgjigjet ndaj ndryshimeve, duke përfshirë mjedisin e ri si qendrën e kujdesit për fëmijë.
• Preferencat personale të fëmijës suaj: për shembull, fëmija juaj mund të ndihet më komod nëse rutinat e ambientit janë të përshtatshme për mënyrën se si iu pëlqen të ushqehet, rehatohet dhe qetësohet.
• Mosha dhe faza e zhvillimit të fëmijës suaj: për shembull, foshnjat më të vogla se gjashtë muaj janë shpesh të lumtur që lihen me edukatorë sepse nuk e kanë zhvilluar ende ankthin e ndarjes ose frikën nga të huajt.
• Numri i ditëve që fëmija juaj është në qendrën e kujdesit: fëmijët që qëndrojnë më pak ditë në javë në qendrën e kujdesit (çerdhe) kanë më pak kohë për t’u përshtatur dhe ambientuar në mjedisin e tyre të ri.

Nëse mendoni se fëmija juaj me të vërtetë nuk po ambientohet në qendrën e kujdesit për fëmijë, është e rëndësishme të shkëmbeni informacione dhe ide me edukatorët.

Ndjenjat tuaja për fillimin e qëndrimit në qendrën e kujdesit për fëmijët

Fillimi i çerdhes për fëmijët është një ndryshim i madh. Mund të jetë një kohë entuziaste dhe emocionuese për familjet - si për fëmijët ashtu edhe për prindërit.

Edhe nëse keni ndjenja të përziera për ndryshimet në jetën tuaj familjare, është e rëndësishme për ju që të jeni pozitiv në lidhje me qendrën për kujdesin e fëmijëve me fëmijën tuaj. Fëmijët kanë një aftësi të mahnitshme për të mësuar kur prindërit e tyre janë të mërzitur ose të shqetësuar, kështu që përpiquni të mos i ndani shqetësimet ose ankthin me fëmijën tuaj. Nëse fëmija juaj ndjen se juve iu pëlqen shërbimi dhe iu besoni edukatorëve, ai/ajo me shumë mundësi do të ketë të njëjtat ndjesi.

Kjo nuk do të thotë që ju nuk mund t’i shfaqni ndjenjat tuaja. Ju mund  t’i ndani ato me partnerin/en tuaj, një mik ose një anëtar të familjes që mund t’ju japë një mbështetje gjatë kësaj kohe emocionale.