|
Identifikoni burimet e helmit në familje
- Produktet e rrezikshme për fëmijët përfshijnë: tretje për pastrim dhe lavatriçe, preparate kozmetike, ilaçe, alkool, opiate, solucione kundër ngrirjes, benzinë, ngjyra, bojëra, helme për brejtës, produkte për mbrojtjen e bimëve, disa lloje bimësh dhe kërpudhash. Një rrezik shtesë paraqitet nga tymi dhe gazrat toksikë që shfaqen për shkak të zjarrit, djegies së lëndëve djegëse të ngurta dhe të lëngëta, rrjedhjeve të instalimeve të gazit ose tymit të makinave, ose nëse motori ndizet në një garazh të mbyllur.
Mbani tretjet kimike dhe ilaçet të mbyllura /kyçura dhe jashtë qasjes së fëmijëve
- Pas përdorimit, mos lini tretje kimikë dhe ilaçe në tavolinë, dysheme ose rafte, por vendosini ato në një vend të sigurt.
Asnjëherë mos lini ilaçe dhe tretje kimikë në enë ose paketime ushqimore, ose mos i transferoni në shishe të pijeve të ndryshme
- Ruajini ato në paketimin e tyre origjinal, në mënyrë që ta përcaktoni shpejt përbërjen kimike nëse është e nevojshme.
- Pas përdorimit, mbyllni gjithmonë kapakët dhe tapat në paketimin e tretjeve kimikë ose ilaçeve.
- Ventiloni dhomat ku përdoren tretje kimikë. Gjithashtu, mos bëni përzierje të tretjeve të ndryshëm kimikë, pasi përbërës të caktuar reagojnë kimikisht me njëri-tjetrin, kështu që mund të prodhojnë dhe lëshojnë gazra toksikë.
- Kur përdorni ilaçe, lexoni udhëzimet për përdorim dhe ndiqni këshillat e mjekut ose farmacistit.
- Gjithashtu, jini të vetëdijshëm për ilaçet dhe tretjet kimike të sjella në shtëpi nga mysafirët dhe rekomandoni masa paraprake.
- Hidhni ilaçet e panevojshme ose që u ka skaduar afati në mënyrën e përshkruar dhe të sigurt.
- Mos i quani ilaçet me emra joshës (karamele, etj.).
Disa bimë mund të jenë helmuese - kontrolloni nëse ka bimë të tilla në shtëpinë ose kopshtin tuaj
Mos i lejoni fëmijët të zgjedhin ose hanë ndonjë bimë pa leje. Sigurohuni që t’i paralajmëroni fëmijët për rrezikun nga kërpudhat helmuese!
Kini kujdes veçanërisht nëse jeni përdorues të cigareve elektronike, mbajini ato jashtë qasjes së fëmijëve
- Rrjedhja e nikotinës së lëngshme mund të jetë shumë e rrezikshme për fëmijët.
- Nëse fëmija qëndron jashtë shtëpisë tuaj (me të afërmit, miqtë, në një udhëtim), shpjegojuni atyre që kujdesen për fëmijën se si ta parandalojnë mundësinë e helmimit.
- Bateritë me formë butoni (bateri të vogla rrethore për orë dore, lodra, etj.) janë gjithashtu të rrezikshme. Këto bateri mund ta dëmtojnë rëndë shëndetin e fëmijëve nëse gëlltiten ose ngecin në hundë, vesh ose fyt.
- Mos e ndizni automjetin në një garazh të mbyllur. Parandaloni që gazrat e shkarkimit të grumbullohen në ambiente të mbyllura.
|
