Si të marrim autobusin!

Materialet që ju nevojiten: karrige; pajisje skene ose maska ( opsionale ); para ose monedha (opsionale).

Çfarë mund të bëni së bashku: Vendosni karriget që të ngjajnë sikur jeni brenda në një autobus - vendosni një karrige në pjesën e përparme për shoferin, dhe një set karrigesh për pasagjerët. Sa më shumë karrige dhe lojtarë, aq më e mirë është loja!

Emëroni një lojtar që të jetë shoferi/ja dhe lëreni atë që të jetë në vendin e tij/saj përpara në autobus. Kështu, ata do simulojnë ngasjen e autobusit. Inkurajojini ata të argëtohen duke interpretuar rolin e tyre, ndërsa pretendojnë se po kalojnë në kthesa, po ndalojnë në semaforë, dhe po përdorin borinë etj.

Lojtarët e tjerë qëndrojnë në njërën anë në stacionet e tyre imagjinare të autobusave, duke pritur që shoferi t'i marrë ato. Shpesh, shoferi duhet të 'ndalojë' dhe të njoftojë se në cilën ndalesë ka mbërritur - shembull ndalesash mund të jenë parku, qendra e qytetit, kopshti zoologjik, biblioteka dhe shkolla. Më pas, pasagjerët janë të lirë të futen në autobus, të zënë një vend dhe të fillojnë udhëtimin e tyre!

Mund të jetë një ide e mirë që të krijoni një itinerar për autobusin përpara se të fillojë loja - në këtë mënyrë udhëtarët mund të vendosin për një destinacion, të futen në autobus, të qëndrojnë dhe të presin që autobusi të niset. Mund të improvizoni që udhëtarët duhet të blejnë bileta ose të përdorin monedha - kjo është një mënyrë e shkëlqyer që fëmijët të praktikojnë numërimin dhe aftësitë matematikore.

Qëllimi kryesor është që lojtarët të argëtohen duke eksploruar imagjinatën e tyre dhe duke vënë në provë aftësitë e tyre të improvizimit! Për ku janë nisur ata në udhëtimin e tyre emocionues?

Çfarë po mëson fëmija juaj: Kjo lojë emocionuese në grup (ose familjare) inkurajon fëmijët të përdorin imagjinatën e tyre dhe të improvizojnë, ndërsa janë në një udhëtim me autobus! Gjithashtu, mund të përdoret si një mënyrë argëtuese për të praktikuar aftësitë numerike.