Si të qetësoni foshnjën tuaj kur qan: ilustrim me foto

Fëmija i porsalindur qan sepse është i uritur, i mërzitur apo i lodhur?

Kur foshnja juaj ka nevojë për t'u qetësuar! Përpiquni ta mbani atë në pozicionin djep ose në krahë. Përkundeni lehtë, ecni, pëshpëritni ose këndoni. Përpiquni të mbani dritën dhe zhurmën e ulët.

A

Kur foshnja juaj është e uritur! Jepini të pijë gji ose ushqejeni me shishe. Nëse ai/ajo nuk dëshiron të ushqehet, mund të dëshirojë të thithë. Fëmijëve të porsalindur jepini një beberon, ndërsa foshnjave pak më të mëdha ndihmojini të gjejnë gishtat e tyre.

Kur foshnja juaj është e lodhur! Provoni ta mbështillni atë me kujdes dhe duke e mbajtur në pozicion të drejtë. Më pas vendoseni për të fjetur në një vend të sigurt.

Fëmija i porsalindur qan sepse nuk ndihet rehat!
 

Foshnja ka nevojë për të ndërruar pelenën! Nëse ka një skuqje të lëkurës, pastrojeni me ujë të pastër, thajeni me kujdes dhe përdorni një pelenë të butë.

Kur foshnjat kanë nevojë të gromësijnë! Përpiquni ta mbani atë në këmbë dhe duke e fërkuar në kurriz. Kontrolloni temperaturën që ai/ajo të mos jetë shumë i/e nxehtë apo i/e ftohtë. Sigurohuni të ketë veshje të rehatshme.

Foshnja juaj është sëmurë! Matni temperaturën e tij/saj. Një temperaturë mesatare është 37°C. Bisedoni me infermieren/mjekun në konsultoren tuaj nëse jeni të shqetësuar.

Mbani beben të sigurt ndërsa po qan

Asnjëherë mos e tundni një fëmijë. Mund të shkaktojë gjakderdhje brenda trurit dhe syve dhe dëmtime të mundshme të përhershme të trurit.

Nëse ndiheni të irrituar apo të mërzitur! Nëse mendoni se nuk mund ta përballoni, vendoseni foshnjën në një vend të sigurt dhe qëndroni për pak kohë jashtë derisa të ndiheni më të qetë. Ose pyesni dikë tjetër që të kujdeset për foshnjën tuaj.

Është në rregull të kërkoni ndihmë. Nëse është e vështirë t'ia dilni vetë mbanë me fëmijën tuaj, kërkoni ndihmë.