Të luajmë "Kukafshehti"

Materialet që ju nevojiten: Lodra të vogla të buta; Kuti kartoni.

Çfarë mund të bëni së bashku: Para se të filloni duhet të përgatisni vendin ku do të luani. Ju mund të përgatisni një ambient të rehatshëm duke e ulur fëmijën tuaj në një karrige përballë jush.

Për të filluar, vendosni lodrat përballë fëmijës tuaj në mënyrë që ai/ajo mund t'i prekë ato dhe të familjarizohet me to; pastaj vendosni kutinë dhe fshehni lodrat brenda saj duke u siguruar që fëmija juaj po ju shikon.

Kur të mbaroni së fshehuri, pyeteni atë: “Ku janë lodrat? Po lodrat? ” Duke i treguar atij/asaj se janë brenda kutisë dhe pastaj inkurajojeni që t'i kërkojë vetë dhe t'i mbajë në duar.

Sa herë që ai/ajo të tregojë se janë aty në kuti, lavdërojeni atë për motivimin e tij/saj.

Çfarë po mëson fëmija juaj: Me këtë aktivitet, ju do të ndihmoni që fëmija juaj të punojë me vëzhgimin dhe kujtesën e tij vizuale duke kërkuar për objekte dhe duke i prekur dhe mbajtur ato në duar.