Topi im i parë

Materiale që ju nevojiten: Top i madh plastik që mund të fryhet (Ju mund ta zëvendësoni atë me një jastëk në formë cilindore ose një cilindër kartoni)

Çfarë mund të bëni së bashku: Topa të mëdhenj plastik janë të dobishëm për shumë lojëra me foshnja të vogla. Një nga lojërat që mund të bëni me këtë lloj topi është që të vendosni foshnjën tuaj mbi të.

Si hap i parë, duhet t'i vishni një pelenë të vogël fëmijës suaj që ai/ajo të mos rrëshqasë mbi top. Vendosni topin në qendër të tapetit ose në një sipërfaqe të butë, dhe vendosni fëmijën me bark në drejtim të topit duke e mbajtur atë me të dyja duart në të dyja anët. Duhet të uleni përballë dhe ta lejoni fëmijën që të mbajë dorën tuaj që të ndjejë besim dhe siguri.

Rrotulloni topin ngadalë përpara, prapa dhe anash. Ndërsa rrotulloheni, mund të shikoni në sytë e tij/të saj dhe t'i këndoni atij/asaj një këngë si në vijim me melodinë e  këngës "Unë kam një top":

Topi rrotullohet,

Unë do ta rrotulloj atë për ty,

Po të ishe në top,

Edhe ti do ta rrotullosh kështu.

Mund ta përsërisni këtë aktivitet çdo ditë, duke shtuar disa minuta çdo ditë.

Çfarë po mëson fëmija juaj: Kjo lojë zbavitëse ndihmon në aktivizimin e qarkullimit, tonin muskular, rrit fleksibilitetin dhe mëson të kontrollojë lëvizjet e trupit si mbajtja e kokës drejt. Duke e vënë fëmijën në një top, do ta ndihmoni atë që të njohë trupin e tij/saj, që të praktikojë kapjen me duar dhe të zhvillojë ekuilibrin.