Балдарга физикалык зомбулук көрсөтүү

Физикалык зомбулуктун мисалдары: уруу, сабоо, тепкилөө, титиретүү (көбүнчө наристелерде), моюнун кысуу, ыргытуу, уулантуу, күйгүзүү, ысык суюктукту куюу же дене бөлүктөрүн ысык суюктукка батыруу, баланы ысык бууга түшүрүү, баланы байлап коюу , курал менен кол салуу, жаш баланы машинада жалгыз калтыруу ж.б.

Чоң кишилер тарабынан жасалган физикалык зомбулуктун эң кеңири таралган формасы - "баланы тарбиялоодо" тартиптик чара катары баланын денесин жазалоо. Дене жазасы балдар үчүн өтө коркунучтуу, бул балдардын өлүмүнүн олуттуу себеби жана балдардын зомбулуктуу жүрүм -турумуна жана башка жүрүм -турумдук ооруларына түрткү болгон фактор.

Физикалык зомбулукка кабылган баланы кантип таануу керек?

Физикалык зордук -зомбулук балдарга сөзсүз түрдө денеге зыян келтирбейт, же жараат дайыма эле көрүнүп турбайт. Эгерде сиз балада ар кандай көгөрүүлөрдү байкасаңыз (бет, сандар, ылдыйкы буттар, арка, ич, тумшук ж. б.- бул физикалык жактан зомбулукка кабылган бала болушу мүмкүн. Эгерде бала чоң кишилер менен байланышта адаттан тышкары этият болсо, чоңдорду ашыкча канааттандырса, уялчаак, токтоо же гиперактивдүү, теңтуштары менен мамиле түзүүдө кыйналып, социалдык, когнитивдик жана тилдик жөндөмү начар болсо, көйгөйлөрдү агрессия менен чечүү тенденциясын көрсөтсө, себепсиз ачууну көрсөтсө, бул физикалык зомбулукка кабылган баланын белгиси катары көрсөк болот.

Эгер сизди кызыктырса, видеону көрүңүз: https://www.youtube.com/watch?v=Nc9SY3Fde_o