Бурананы бузабыз!

Сизге: кичинекей кутулар, жумуртканын лотогунун секциялары, йогурттун стакандары, жыгач кубиктер керек.

Оюндун маңызы эмнеде: алгач ойной турган жерди даярдашыңыз керек. Тынч бөлмөнүн полунда болсо эң жакшы.

Балаңызды жерге отургузуп, керектүү нерселердин бардыгын текшерип, анын жанына отуруңуз. Балага көрсөтүп каалаган буюмдардан мунара куруңуз жана “Карачы, мунара!”, – деп айтыңыз.

Андан кийин бала бул көңүлдүү экенин көрүш үчүн мунараны кулатып, алакан чабыңыз — бул оюн экендигин түшүнсүн. Мунараны кайрадан куруу үчүн кичинекей балаңыздан сизге буюмдарды берүүсүн сураныңыз.

Бул жолу балаңыз мунараны кулатсын. Балким, алгач анын колун кармап, анын кандайча жасалганын көрсөтүү керек болот. Кичинекей балаңыз чарчаганча же кызыгуусун жоготкончо оюнду кайталаңыз.

Оюндун коопсуз болушуна байкоо жүргүзүңүз, өтө бийик мунара курбаңыз жана өтө катуу же оор курулуш материалдарын колдонбоңуз. 5 буюмдан турган мунарага багыт алыңыз.

Кичинекей балаңыз кулап жаткан буюмдардын үнүнөн чочуп кетиши мүмкүн, андыктан тынчтануу жана кубаныч көрсөтүү үчүн ар бир жолу күлүп, кол чаап туруңуз.

Мында бала эмнеге үйрөнөт: сиз балаңызга бул ишти аткарууга жардам берген учурда ага буюмдарды ар кандай жолдор менен изилдөө үчүн сансыз мүмкүнчүлүктөрдү ачат, ошондой эле мунаранын курулушу жана кулашы колдун булчуңдарын жана кыймыл-аракетти координациялоону бекемдейт.