Эмчек эмизүү учурунда тамеки чегүү

Эгер эмчек эмизүү учурунда тамеки же электрондук тамеки чегип жатсаңыз, зыяндуу заттар балага сүт аркылуу өтөт, ал дагы пассивдүү тамеки тартууга дуушар болот. Тамекинин түтүнүндө 4000ден ашык химиялык заттар бар (анын ичинде цианид, коргошун), анын ичинде 60 зат канцерогендүү болуп саналат. Чылым чеккен энелерде (өзгөчө күнүнө 20дан ашык тамеки чегүүчү "барып турган ышкылуу" тамеки тарткандар) бета -каротин, В6, В12 жана С витаминдеринин жетишсиздиги болушу мүмкүн. Бала тынчсызданышы, ыйлашы же уйкусу тынч болбошу ыктымал. Никотин сүттүн иштелип чыгышын төмөндөтүшү мүмкүн; тамеки чеккен энелер маститке көбүрөөк чалдыгышат.

Тамеки түтүнүнүн таасирине дуушар болгон балдарда орто кулактын отити, астма, бронхит менен ооруп калуу мүмкүнчүлүгү көбүрөөк, аларда кыйла кеч курактарда жүрөк-кан тамыр ооруларынын өнүгүү тобокелчилиги жогору. Капыстан болгон балдар өлүмү синдрому деп аталган учурлар кыйла көп кездешет.

Эгерде сиз тамеки чексеңиз, сиз кош бойлуулукту пландап жатканда же жок дегенде кош бойлуулуктун эрте мөөнөттөрүндө бул жаман адаттан баш тартуу идеалдуу болмок. Сиз тамекини таштаганда, өзүңүздүн жана балаңыздын ден соолугун жакшыртуучу эң чоң өзгөрүүлөрдүн бирин жасаган болосуз. Буга жетүү үчүн кесипкөй кеңеш жана жардам сураңыз. Бул чечимди төрөттүн кийинкиге караганда кош бойлуу кезде, убактыңыз көп болгондо ишке ашыруу оңой.

Эгерде сиз жаман адатыңызды таштай албасаңыз, жок дегенде тамеки чегүүнү азайтууга аракет кылыңыз. Тамеки менен эмчек эмизүүнүн ортосунда кеминде 60 мүнөт тыныгуу сунушталат, анткени сүттөгү никотиндин көлөмү убакыттын өтүшү менен азаят.

Ымыркай жаткан бөлмөдө тамеки чекпеңиз жана башкаларга дагы жол бербеңиз. Тамеки түтүнү чачыңызда, кийимиңизде жана териңизде калат. Чылым чегип жатканда чачыңыз менен кийимиңизди бала тийбей турган нерсе менен жаап коюңуз. Тамеки чеккенден кийин баланы ала электе ар дайым колду жууп, тишиңизди тазалаңыз. Баланын тамеки түтүнүнөн дем алуу мүмкүнчүлүгүн жокко чыгарыңыз.