Көңүлдүү симфония

Сизге: дүкөндүн баштыктары, желим идиштер, бош калай идиштер керек.

Көнүгүүнүн маңызы эмнеде:  балаңыз же балдарыңыз менен бакчага, сейил бакка, суунун жээгине же жөн гана короого сейилдөөгө чыгыңыз. Сейилдөө учурунда кызыктуу үндөрдү чыгара турган нерселерди, мисалы, кургак жалбырактарды, майда таштарды, кабыктарды, таяктарды, карагай тобурчактарын, бактын кабыгын же балырларды издөөнү өтүнүңүз. Эмне кандай үндөрдү чыгарышы мүмкүн экендигин ойлонушсун, ар кандай материалдар менен эксперимент жүргүзүшсүн. Алар ар кандай буюмдарды чогулткандан кийин бардыгын идиштер жана мискейлер менен кошо тегерете жайып койсо болот ... эми ызы-чуу кылууга кез келди! Ар кандай нерселер жана каалагандай ызы-чуу кылышсын — шуудуроо, дирилдөө, кытыроо, тыкылдатуу жана шыңгыроо —  биздин симфонияга баары жарайт!

Кызыктуу факт: Австрияда жашылчалардан гана жасалган аспаптарды колдонгон оркестр бар. Оюндан кийин алар ушул жашылчалардан шорпо жасашат!

Мында бала эмнеге үйрөнөт: ар кандай буюмдарды жана материалдарды колдонуп үндөрдү чыгаруу — балдардын чыгармачылыгын ачуунун, аларды угууга үйрөтүүнүн, ошондой эле курчап турган дүйнөдөгү ар кандай материалдар жөнүндө көбүрөөк билүүнүн мыкты ыкмасы. Ошондой эле, бул баланын көңүл концентрациясын жакшыртууга жана анын өзүнө болгон ишенимин арттырууга жардам берген кызыктуу иш.