Куштун учуу бийиктигинен

Сизге: түстүү оюнчуктар, сүрөттөрү менен барактар, жаркыраган жана үн чыгаруучу буюмдар керек.

Оюндун маңызы эмнеде: оюнду баштоодон мурда колдоно турган материалдарды, мисалы, түстүү оюнчуктарды, сүрөттөрү менен карточкаларды же үн чыгарган түстүү буюмдарды даярдаңыз. Булардын бардыгы бөлмөнүн белгилүү бир жерине жайгаштырылышы керек. Оюн зоналарын түзүү үчүн ар кандай буюмдарды ар кайсы жерге жайгаштырса болот.

Эми балаңызды колго алып, ага азыр ойной турганыңызды айтыңыз, аны өбүңүз.

Баланы полду каратып кармаңыз, ошол эле учурда башын, мойнун жана денесин кармап турууну унутпаңыз. Бөлмөнүн ичинде жай басып, баланын көзүнө эмне көрүнсө, ошолорду сүрөттөп, андан кийин баштапкы жерге кайтып келиңиз, балаңыз менен акырын сүйлөшүңүз.

Бир нече мүнөттөн кийин аракетти кайталаңыз, бирок бул жолу балаңыз оюн аянтчаларын же полдогу нерселерди өзү көзү менен издейт. Баланын көңүлүн ар кандай буюмдарга буруп, көрсөтүп, айтып бериңиз.

Аны кайрадан эс алдырыңыз жана мактаңыз. Бул көнүгүүнү эки-үч жолу кайталап, ар бир кайталоонун ортосунда тыныгуу жасаса болот.

Мында бала эмнеге үйрөнөт: бул кызыктуу оюн көрүү, көңүл буруу, эс тутум, тең салмактуулук жана коопсуздук сезимин өрчүтүүгө жардам берет.