Массаж

Сизге керектүү материалдар: Денеге арналган крем же май ( милдеттүү эмес )

Бирге эмне кылсаңыз болот: Буттан баштап, башты көздөй жылабыз. Алгач колуңузду ысытуу үчүн бири-бирине сүртсөңүз болот. Денеге крем же майды колдонуу милдеттүү эмес. Ымыркайды тегиз, жумшак жерге жаткырыңыз, ал ыңгайлуу болсун.

Буттары:

Буттардын бирин кармап, ымыркайыңыздын бутун солго оңго жана оңго солго бир нече жолу айландырыңыз. Андан кийин ымыркайыңыздын бутун томугунан манжаларына чейин укалаңыз. Буттарды которуп, кайталаңыз.

Тамандары:

Баш бармагыңыз менен ымыркайдын бутунун таманына тегерекчелерди тартыңыз. Бутту алмаштырып, кайталаңыз.

Манжалар:

Бутту бүтүрүү үчүн, ымыркайыңыздын ар бир бутун баш бармагыңыз менен сөөмөйүңүздүн арасына кармап, манжаларыңызды  ымыркайыңыздын буттарынын манжаларынын учтарына чейин жылдырыңыз, манжаларыңызды акырын тартыңыз. Муну ымыркайыңыздын 10 манжасынын ар бири үчүн жасаңыз.

Балаңыз эмнени үйрөнүп жатат:  Изилдөөлөр көрсөткөндөй, массаж ден-соолукка ар кандай пайда алып келиши мүмкүн. Мисалы, балдарга массаж жасоо бала менен эненин ортосундагы өз ара аракеттенүүнү күчөтүп, ыйлоону басылтуу жана стресс гормондорун азайтуу аркылуу ымыркайдын эс алуусуна жардам берет.