Медитация кылууга үйрөнөбүз

Сизге: жакшы маанай керек!  

Оюндун маңызы эмнеде: балдарыңыз менен ыңгайлуу, көнгөн жерге отуруңуз же жатыңыз жана алардан көзүн жумууну өтүнүңүз. Аларга медитация учурунда кармоого боло турган кандайдыр бир буюмду алууну сунуштоого болот, мисалы, жаздык, жууркан же сүйүктүү жумшак оюнчукту. Аларга тынч жана кадимкидей дем алып, денени эс алдыруу керек деп айтыңыз.

Демин жана денеси сезген нерселерди угууга көңүлүн топтошсун. Мүмкүн болушунча эс алып, денедеги бардык чыңалууну жок кылууга аракет кылышсын.

Аларды кубандырган, эс алууга жардам берген нерсе жөнүндө ойлонушсун. Бул күчүктөргө толгон бөлмө, алардын сүйүктүү тамагынын жыты же белекти ачуунун алдындагы учур болушу мүмкүн. Балдарыңызга алаксыбай, ошол ойлор менен ушундай абалда калууга кантип аракет кылышты түшүндүрүңүз. Бир мүнөт ушуга көңүл бурууга аракет кылышсын, андан кийин күн сайын бир мүнөттөн убакытты узартыңыз.

Медитация миңдеген жылдар бою колдонулуп келет!

Мында бала эмнеге үйрөнөт: медитация — балдарды сырткы түйшүктөрдөн жана иштерден абстракциялоого жана жөн гана өзүн эркин сезүүгө үйрөтүүчү, тынчтандыруучу көнүгүү. Бул ар кандай куракта пайдалуу боло турган мыкты турмуштук көндүм, бул стресс, тынчсыздануу менен күрөшүүгө жана көңүлдү топтоого жардам берет.