Мен өзүм тамактанып жатам

Сизге керектүү материалдар: Балаңызга жаккан тамактын кичинекей бөлүктөрү; балаңыздын алдына тамак менен отурган жер.

Бирге эмне кылсаңыз болот: Бул куракта көптөгөн наристелер өзүн-өзү тойгуза башташат. Наристеңиз азырынча кашыкты колдонбосо керек, бирок манжалары иштейт! Эгер сиз бул нерсени баштай элек болсоңуз, анда даамдуу тамактын бир бөлүгүн наристеңиз жете турган жерге коюңуз. Ал токтоосуз бирөөнү алып, оозуна салышы мүмкүн.  Эгер ошондой болсо, анда өзүңүздүн толкунданууңузду көрсөтүңүз (“Муну өзүң жедиңби!” же “Мөмө даамдуу бекен?”). Ошондой эле, сиз өзүңүзгө жаккан нерсени тиштеп, канчалык ырахаттанганыңызды көрсөтүңүз. Же наристеңиздин оозуна бир кесимди салып, ал дагы ошондой кылып жаткандыгын байкаңыз.

Балаңыз эмнени үйрөнүп жатат: Маданий каада-салтыңызга жана наристеңиздин өнүгүүсүнө жараша, кээде наристеңизге тамак берсеңиз болот. Бирок, өзүн-өзү тамактандырууга үндөө наристеңиздин  координациясын жана манжаларын колдонуу чеберчилигин чыңдайт. Бул нерсе, жылдар өткөндөн кийин, ага сүрөт тартууга жана жазууга жардам берген көндүмдөр. Ушул мезгилде наристе  менен сүйлөшкөндө, тилди өнүктүрүүгө түрткү бересиз (мисалы, тамак-аштын аталышы).