Ойноп жуунуу убактысы

Сизге керектүү материалдар:  Сууга салганга ылайыктуу оюнчуктар же бир нече желим чөйчөктөр же идиштер.   

Бирге эмне кылсаңыз болот: Ар бир оюнда балага өнүгүүгө мүмкүнчүлүк болгондуктан, ой жүгүртүүгө түрткү берүү үчүн жуунтуп жаткандагы убакытты дагы пайдаланыңыз. Бир нече желим чөйчөктөрдү алып, анын себебин жана натыйжасын чогуу изилдеп көрүңүз: чөйчөк сууга толгон кезде - биз чөйчөктү колубуз менен түртсөк чөгүп кетет - биз чөйчөктү  бийик кармап сууну куюлтсак  батып, калкып калат ж.б.у.с.  Кызыгуусуна жараша (анын айтканын аткарыңыз), ваннада отурганда, ушул сыяктуу нерселерди балаңызга көрсөтүңүз.  Бул нерселерди жасап жатып, эмне болуп жаткандыгын сүрөттөп бериңиз (Чөйчөктү кара, ал сууга чөгүп баратат. Мынакей, кара! "). Кыймылдын ар кандай түрлөрүн кубаттап, балаңызга жылмайып же жаңы нерселер менен тажрыйба жүргүзгөндүгүн көргөн сайын аны мактап, аны рахаттанууга чакырыңыз. Бул балаңыздын кыймыл-аракетинин өнүгүшүнө түрткү берет.  Сууга түшүү убактысы ошондой эле балаңызга ар кандай эмоцияларды, толкунданууларды, кызыгууларды көрсөтүүгө мүмкүнчүлүк берет, жуунуп бүтүп калганда  капаланат, суу өтө эле муздак болуп калса, бир аз коркуп калат ж.б.у.с.  Балаңыздын ар кандай сезимдерди билдирүү жөндөмүнүн өсүп жаткандыгына көңүл буруңуз жана ырахат алыңыз.

Ар бир жуунуу убактысы бул ар кыл иш аракеттин түрүн жасоо үчүн мүмкүнчүлүк берет, бирок ушул сыяктуу эле, сиз балаңыздын чалгындоосун кум, шагыл сыяктуу ар кандай материалдар менен, балким күрүч же башка материалдар менен камсыз кыла аласыз.  Коопсуздук үчүн: наристелер оозуна бир нерселерди салганды жакшы көрүшөөрүн билишиңиз керек.

Балаңыз эмнени үйрөнүп жатат: Наристе үчүн бул дүйнө дагы эле изилдене элек, бул иш-аракетте ал буюмдардын өз ара байланышын акырындык менен түшүнө алат жана түшүнүк менен логиканы өнүктүрөт. Сиздин жардамыңыз менен жуунуу ага буюмдардын кандайча иштээрин түшүнүүгө көптөгөн мүмкүнчүлүктөрдү берет, ошол эле учурда көңүлү дагы ачылат.