Сүрөттүү күн тартибин түзүү

Сизге керектүү материалдар: Кагаз жана маркерлер же калем менен карандаштар; Бир же бир нече сүрөт китептери (эгерде жок болсо, журналдын сүрөттөрүн барактарга чаптап, бириктирип же жөнөкөй сүрөттөрдү тартуу менен жөнөкөй китепти жасай аласыз); Эгер сизде бар болсо, журналдын сүрөттөрү; Графикти илип коюу үчүн лента.

Бирге эмне кылсаңыз болот: Бул куракта балдар окуялар көп учурда ырааттуулукта (биринчи, экинчи, акыркы) жана белгилүү бир мезгилдерде болуп тураарын билишет.  Алар бала бакчага бара баштаганда, графиктер алар үчүн маанилүү болуп калат.  Көпчүлүк балдарга сүрөттөрдүн жөнөкөй графиги жагат жана аларга жардам берет.  Балаңыз менен үйдөгү күнүмдүк жашоо тартибиңизди көрсөтө аласыз.

Чоң кагазды жана бир нече маркерлерди алыңыз.  Күн тартибиндеги кадамдарды санасаңыз болот. Андан кийин балаңыз менен ойлонуңуз: «Күн сайын, биринчи кезекте эмне кыласың? Ооба, уйкудан турасың! ” андан кийин балаңызга анын керебетине окшогон сүрөттү тартууга жардам бериңиз. Сөздөрдү басып чыгара аласыз же балаңызга анын айрымдарын аткарууга жардам бериңиз. Эгер убакыт болуп, балаңыз кызыгып жатса, анда сиз дагы жазып койсоңуз болот. Күндүн калган бөлүгүн жөнөкөй эле өткөрсөңүз болот, бирок тамактануу, окуу, ачык асман алдында ойноо ж.б.у.с. нерселер менен. Балаңыз дем алыш күндөрү башкача деп, ошол күндөргө башкача график түзгөндү жактырышы мүмкүн.

Күн тартибинин графиги бүткөндөн кийин, аны балаңыз жана өзүңүз карап көрө ала турган жерге илип койсоңуз болот.

Балаңыз эмнени үйрөнүп жатат: Сиз балаңыздын ой жүгүртүү жөндөмүн өрчүтүп жатасыз, анткени кадимки күндөгү окуяларды иретке салып же ырааттуулукка бөлөсүз (бул дагы балдардын математикалык жөндөмүнө жардам берет). Көпчүлүк балдар эмне болоорун так билгенде, айрыкча, ушул тапта жашоодо эмне болуп кетээрин айтууга кыйын болуп турган мезгилде, эмоционалдык жактан коопсуз болушат.