Сыйкырдуу кутуда эмне бар?

Сизге: куту, ар кандай формадагы жана түрдөгү оюнчуктар, кыпчыткычтар, пинг-понг топтору керек.

Оюндун маңызы эмнеде: эки жашка чыкканда балдар чоңдор аларга жардам бере аларын түшүнө башташат! Бала үн чыгарып же сөөмөйү менен көрсөтүп, бир нерсени “сураганда” реакция кылыңыз. Бала издеп жаткан буюмду атаңыз, ошондо ал сиз аны түшүнгөнүңүздү жана сизден жардам сурап кайрыла ала турганын билет. Ага жооп бериңиз, ошондо силер “сүйлөшө” баштайсыңар.

Ачык түстүү кутунун капталында тешик жасап, анын кол кире турганчалык чоң экендигин текшериңиз. Тешик аркылуу кутуга балага жаккан ар кандай оюнчуктарды салыңыз. Баланын көңүлүн буруп, колуңузду кутуга салыңыз жана оюнчукту сууруп алыңыз. Балага оюнчуктун атын айтыңыз жана ага буюмдун атын айтууну же адатта кайсы жерде болорун көрсөтүүнү сунуштаңыз. Аларга жөнөкөй суроолорду бериңиз: “Аюу кайда?” жана “Ата аюуну кайдан тапты?” Андан кийин баланын колго алыңыз, колун кутуга салып, кийинки оюнчукту чогуу сууруп алыңыз. Ошол эле суроолорду бериңиз жана бала кызыгып жатканда ойноңуз.

Картон кутучанын капкагында тегерек тешикти кесип, жөнөкөй оюнчук жасаңыз. Кичинекей балага тешик аркылуу кутуга салуу үчүн түстүү кыпчыткычтарды же пинг-понг топторун бериңиз жана буюмдарды кантип алып чыгууну көрсөтүңүз. Эгер бала жөрмөлөсө же басып калса, буюмдарды чогултуп, кайрадан кутуга салууга жардам берүүнү сунуштаңыз.

Балага күнүмдүк иштериңизде сизге “жардам берүүсүнө” мүмкүнчүлүк бериңиз. Тамактанган учурда ал колдонгон чөйчөктү же кашыкты “алып келүүсүн” сураныңыз. Сыртка чыкканда кийген курткасын же өтүгүн “табууну” өтүнүңүз. Шымды же жалаякты алмаштырууга кез келгенде “алып келүүнү” айтыңыз.

Мында бала эмнеге үйрөнөт: көрсөтмөлөрдү аткаруу —  маанилүү көндүм, ага бала акырындык менен ээ болот. Биргелешкен оюндар жана иш-чаралар — бул балаңыздын өнүгүүсүнө жана билим алуусуна түрткү берүү мүмкүнчүлүгү. Ошондой эле ымыркай менен эмоционалдык, когнитивдик жана социалдык байланышты чыңдоого мүмкүнчүлүк берет. Алгач бала сиз менен ойнойт, кийинчерээк бул тажрыйбаны курдаштары менен ойногондо колдонот.