Тапчы

Сизге: жакшы маанай керек!  

Оюндун маңызы эмнеде: биринчи оюнчу көзгө көрүнө турган жерде болгон нерсени табышмак кылат. Башка оюнчулар “ооба” же “жок” деп гана жооп бере турган суроолорду берип, табууга аракет кылышат. Буюм туура табылгандан кийин, ролдорду алмаштырыңыз! Эгер оюнчулар таппаса, ошол эле оюнчу дагы табышмак кылат.

Берилген суроолордун санын чектөө менен оюнду татаалдаштырууга болот.

Мында бала эмнеге үйрөнөт: табышмактуу буюмду аныктоо үчүн балдар байкоо жана жыйынтык чыгаруу көндүмдөрүн колдонушу керек. Бул бүткүл үй-бүлө үчүн сонун оюн, жолдо убакыт өткөрүү үчүн ылайыктуу.